ҚҰТТЫҚТАЙМЫЗ!
«Оңтүстік» телеарнасының директоры қызметіне Уәли Қыдыр қайта тағайындалды. Уәли Сағындықұлы бұған дейін, яғни 2013-2018 жылдар аралығында аталған арнаның директоры қызметін атқарған білікті маман.
Қыдыр Уәли Сағындықұлы 1975 жылы 21 қаңтарда ОҚО Отырар ауданында дүниеге келген. 1998 жылы әл-Фараби атындағы ҚазМУ-дің журналистика факультетін бітірген.
Қызмет жолын 2000 жылы Әділет министрлігі «Заң» АҚ-ның басылымдарын шығарушы редактор болып бастаған.
2001 жылы Қазақстан Республикасы Жоғарғы Соты баспасөз қызметінің баспасөз хатшысы лауазымында болған.
2002-2004 жылдары республикалық «Заң» газетінің тілшісі, бөлім редакторы.
2008-2009 жылдар аралығында республикалық «Нұр Астана» газетінің Алматы бөлімшесін басқарды.
2009-2012 жылдары еліміздегі көптеген газет-журналдардың басын біріктіретін «Қазақ газеттері» ЖШС Бас директорының орынбасары, 2012 жылдан бері Қазақ радиоcы директорының орынбасары қызметін атқарған.
2013 жылдан бастап «Қазақстан» РТРК АҚ ұлттық телеарнасының Оңтүстік Қазақстан облысындағы филиалы – «Қазақстан-Шымкент» телеарнасының бас директоры болған. 2018 жылы бұл қызметінен Астанаға «Қазақстан» РТРК АҚ ауысқан еді.
Уәли Қыдырдың алдағы жаңа қызметіне сәттілік тілейміз!
