Түркістан төріндегі ұлан асыр той

Ұлыстың ұлы күні мерекесі Түркістан облысының орталығы Түркістан қаласында да кең көлемде аталып өтуде. Ең үлкен мерекелік шара киелі шаһардың  орталық Есім хан  алаңында ұйымдастырылды.

Ал, сахна төрінде өнерпаздардың мерекелік концерті келушілердің көңілін көтерді. Шараға облыс әкімі Өмірзақ Шөкеев қатысып, барша өңір тұрғындарын Наурыз мейрамымен құттықтады. Күн мен түн теңелген, жер бусанып, мал төлдеген мезгіл. Адамның аузы аққа, малдың аузы көкке тиген кез — Ұлыстың ұлы күні. Жылдағы жаңа жыл биыл ерекше  тойланды. Айтулы мерекеге жиналған қонақтар  өңірімізде тату тəтті ғұмыр кешіп жатқан түрлі этнос өкілдерінің мерекелік қойылымдарын тамашаласа ерекше сценаримен бұл күні «Наурыз Думан» əні шырқалды. Ең бастысы шараға жиналған көпшіліктің көңіл-күйлері көтеріңкі.Көктемнің алғашқы айында күллі күншығыс жұрты жаңа жылды қарсы алады. Наурыз — бұл ренжіскен адамдардың бір-бірімен татуласуына, достасуына жол ашады. Барша ұлттар мен ұлыстар арасындағы ауызбіршілікке үндейді. Бүгінгі мейрам барысында да көпшілік бір-бірлеріне ізгі тілектерін арнаса, думанда мерекелік театрландырылған қойылымдар ұсынылды. Ал мерекелік шарада  өнерпаздар ән шырқап, би биледі.

«Айғақ-ақпарат».