Премьер-Министр: Түркістандағы құрылыс Елбасының жіті назарында

Қазақстан Республикасы Премьер-Министрінің Түркістанға сапары қаланың даму перспективалары жөнінде кеңес өткізді. Cелекторлық режимде оның жұмысына өңірлер әкімдері қатысып, облыс орталығында нысандарды салу бойынша ағымдағы жағдай мен жүргізіліп жатқан жұмыстар туралы Түркістан облысының әкімі Өмірзақ Шөкеев баяндама жасады. Аймақ басшысының айтуынша Елбасының Түркістан қаласын дамыту туралы тапсырмасына сәйкес 29 нысанның құрылысы өңірлер, ұлттық компаниялар және бизнес өкілдеріне бекітілген.Оның ішінде Әкімшілік-іскерлік орталығында  орналасқан 17 нысанның жерге орналастыру сызбасы бекітілсе, құрылысы жүргізілетін нысандардың жер телімдері бүгінде толығымен босатылған.

Түркістан облыс әкімдігінің, басқармалардың, департаменттер ғимараттары, конгресс орталығы, медиа орталығы, оқушылар сарайы, стадионның құрылыстары басталып, өндірістік кестесі бектілген. Ал «Smart city» жобасы аясында байланыс желілерін тарту бойынша жоба әзірлену үстінде екен. Сонымен қатар, әкімшілік ғимараттары, тұрғын үй кешендері, спорт, әлеуметтік, денсаулық сақтау, білім беру, мәдениет салаларындағы 80 нысан әкімшілік-іскерлік орталығына орналастырылған. Аталмыш құрылыстарға республикалық қазынадан 2019 жылға 28,2 млрд. теңге бөлініп, әкімшілік ғимартаттардың, білім беру, тұрғын үй және инфрақұрылым нысандарының құрылысы қарқынды жүргізілуде. Әкімшілік-іскерлік орталығында жалпы 114 тұрғын үйдің құрылыстың арендалық 20, кредиттік 6, «Түркістан» ӘКК және жеке инвесторлар арқылы 88 тұрғын үйді құрап отыр.Рухани — мәдени орталықта орналасатын 9 нысанның жерге орналастыру сызбасы бектіліген. Оның ішінде 3 нысанның: әмбебап кітапхана, Қ.А.Яссауи мұражайы және шығыс моншасының құрылыс жұмыстары басталып кеткен.Түркістан қаласының қазіргі орталығын қайта жаңғырту жұмыстары аумағында жол жөндеу жұмыстарымен қатар, жол бойына аяқжол, суағар науалар, жарықтандыру шамдары орнатылып, оң жақ бұрылыстар ұйымдастырылуда.Сөз соңында Өмірзақ Естайұлы Үкімет басшысы Асқар Маминнен Түркістан қаласында жүзеге асатын ауқымды жұмыстарды сапалы және мерзімінде жүзеге асыру мақсатында облыстағы мемлекеттік қызметшілердің еңбекақы төлеудің жаңа жүйесі факторлы-баллдық шкалаға көшуге ықпал етуін сұрады.

«Айғақ-ақпарат».