Өмірзақ Шөкеев: абыройлы және сауабы мол қызметте бірігіп, жұмылып қызмет атқарамын

— Бүгін Түркістан облысына әкім болып тағайындалып отырмын. Елбасы кеше ғана жаңа үкіметтің жаңа құрамына үлкен-үлкен талаптар қойды. Оның ішінде барлық әкімдер, әр түрлі деңгейдегі үкімет мүшелері өз орындарында халықтың алдында атқарып жатқан қызметтеріне жауапты. Тек қана бағдарламарды іске асырып тек қана проектілерді орындау ғана емес, сол проектілердің барлық мән-жайын халықпен етене араласып, оны түсіндіру жағынан да көп көңіл бөлу керектігі кешегі жиында айтылды. Оны шегелеп айтты. Мен осы елдің тумасымын өздеріңіз білетіндей. Осы жерде өніп, өстім. Көп жерлерде тапсырылған қызметтерді атқарып келемін. Өздеріңіз көріп отырғандай араға 10 жыл салып жаңа облыс орталығына өте жауапты қызметке мені тағайындап, перзенттік парызымды орындауға мүмкіндік туғызғаны үшін Елбасымызға шексіз ризашылығымды білдіремін. Елбасы Түркістанды рухани жаңғырған Қазақстанның жаңа мүмкіндігі деп айтты. Түркістанды мынау біздің түп тарихымыздың, біздің рухымыздың символы деп айтты. Мен ойлаймын Елбасының осы Түркістанға деген сондай бір құрметін, сенімін біз ақтауымыз керек. Барша осында отырған әріптестеріміз, бүкіл облыс халқы болып, бүкіл қазақстандықтар болып Ұлт көшбасшысының сенімін ақтап, Түркістанды түрлендіруде аянбай ат салысатындығымызға сенімім мол. Сондықтан біз осы абыройлы және сауабы мол қызметте бірігіп, жұмылып қызмет істеймін деп сендіремін Асқар Ұзақбайұлы. Үкіметтің қолдауына да біз сенеміз. Баршаңызға осы қызметте абырой, амандық, сәттілік және жақсылық тілеймін.

«Айғақ-ақпарат».