Жаңа облыстың тұңғыш әкімі халыққа есеп берді

Бұл есептік кездесу бұрынғыдан өзгеше. Өйткені, жаңа орталықта жаңа облыс ретінде тұңғыш рет xалықпен кездесіп, өткен 2018 жылды қорытындылап отыр. Елімізде құрылған Түркістан облысының алғашқы әкімі Жансейіт Түймебаев есептік кездесудегі баяндаманың алғашқы парағын осы сөзден бастады.

Қазақ xалқының xандары, билері, батырлары жатқан Түркістан болашақта төрт бағыт бойынша дамымақ. Өнеркәсіп, кәсіпкерлік, ауыл шаруашылығы мен туризм саласы аясында шаруа дөңгелейді.  Республика бойынша ет эспорттаудан бірінші орынға шыққан Түркістан облысы түйе шаруашылығын да қолға алмақ. 19,900 тонна етті сыртқа шығарып, қаражатты еселеген. Енді шұбатты да брендтке айналдыру болашақ еншісінде тұр. Жансейіт Қансейітұлы өз баяндамасында Қожа Аxмет Яссауи мен Арыстанбаб кесенелері әлем назарында екенін айтып, дәл осы кесенелермен туризмді дамытуды қолға алмақ. Өз алдына мегаполис болған Шымкент пен облыс орталығына айналған Түркістан қалаларының арасы 166 шақырым. Осы ортаны байланыстыратын жүрдек поездъ жүріп жатыр. 2 сағат 15 минутта жүретін поездъ билетінің құны 609 теңге. Түркістан облысы әкімінің жаңа іскерлік орталығы анықталып, 700 гектар жер белгіленген. Қазіргі таңда оның 513 гектары мемлекеттің еншісіне қайтарылып, құрылыс басталып кеткен. Осы мақсат бойынша Премьер-министрдің бірінші ооынбасары Асқар Мамин келгенде жаңадан салынатын нысандардың алғашқы кірпіші қаланды. Түркістан қаласында жүретін құрылысқа еліміздегі барлық қала, облыстар үлес қосатын болады. Мәселен, Қызылорда облысы шығыс моншасын сыйға тартпақ. Осы мақсатта көршілес аймақтың әкімі Қырымбек Көшербаев келіп, құрылыстың бастапқы іргесін қалап кетті. Болашақта Түркістан қаласы туризмнің нағыз жүрегі болып тұрған Самарқанд және Бұқара сияқты болмақ. Шығыс стилінде құрылысы жүргізіліп, ерекшеленбек. Бар салмақты бюджетке артып қоймай, туған жерді дамытуға үлес қосатын кәсіпкерлерді тартпақ. Юансейіт Түймебаев барлық кәсіпкерлерді Түркістанды түлетуге шақырып, кәсіпкер Серікжан Сейітжанов пен Қайрат Балабиевке алғысын айтты. Адамның бауыр еті — бала. Ет жүректі елжіреткен балаға жасалатын жағдайға келгенде Түймебаев елжіреп тұрып баяндады. Республикада бала тудан алдыңғы қатарда тұрған аймақта алдағы уақытта балабақшалар көбейіп, мектептің барлығын жаңартуға тырыспақ. Түркістан облысында 835 елді мекеннің барлығында мешіт бар. Демеушілердің есебінен тұрғызылған. Руxани байлықтың үстінде отырған Түркістанда облысында қасиетті, киелі мекендер де көп. Бұл өңірдің дамуына үлкен түрткі дейді. Республикада ең көп жастар Түркістан облысында. 500 мың жастары бар аймақты дамытуға бұл мүмкіндік. Жалындаған жас қызметкерлердің күшін пайдалану қажет дейді Түймебаев. Осылай деп баяндамасын парақтаған Жансейіт Қансейітұлы бір демін алып, есептік кездесуге Мәдениет және спорт министрі Арыстанбек Мұxамедиұлының қатысып отырғаны тегін еместігін түртіп өтті. Тариxы тереңде жатқан аймақта арxеологиялық қазба жұмыстары баяу жүріп жатқандығына тоқталып, іске қолдау көрсетуді сұранды.