Қазақстан Республикасының Президенті Нұрсұлтан Назарбаевтың 2018 жылдың 5 қазанында жариялаған «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы — еліміздің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі арттыру міндеттеріне арналды. Н. Назарбаев 2019 жылдың 1 қаңтарынан бастап жасына байланысты берілетін зейнетақы төлемдерін 7 пайызға, сондай-ақ мүгедектігі бойынша және асыраушысынан айырылған жағдайда берілетін мемлекеттік әлеуметтік жәрдемақылар көлемін 5 пайызға арттыру қажет екеніне тоқталды.
Осыған орай, елімізде 2019 жылдың 1 қаңтарынан бастап, тағайындалған зейнетақы төлемдерін, соның ішінде әскери қызметте болған қызметкерлерінің зейнетақы төлемдері 7%-ға арттырылды.
Енді 2019 жылдың 1 қаңтарынан ең төменгі зейнетақы мөлшері 36 108 теңге, ал мемлекеттік базалық зейнетақы төлемі 16 037 теңгеге дейін жоғарылады.
Мүгедектiгi бойынша, асыраушысынан айрылу жағдайы бойынша және жасына байланысты берiлетiн мемлекеттiк әлеуметтiк жәрдемақылар мөлшері ең төменгі күнкөріс деңгейінің өзгеруіне байланысты өсірілді. Ал 2019 жылдың қаңтарынан ең төменгі күнкөріс деңгейі 29 698 теңге болды.
Жаңа тағайындалған зейнетақы мөлшерлерін есептеу үшін есепке алынатын ең жоғарғы табыс 116 150 теңгені (46 айлық есептік көрсеткіш х 2525 теңге) құрайды.
2019 жылдың 1 қаңтарынан бастап айлық есептік көрсеткіш 2 525 теңгені құрайтын болды. Соған орай, Еңбек жағдайлары ерекше зиянды және ерекше ауыр жұмыстарда істеген адамдар үшін берілетін мемлекеттік арнайы жәрдемақының тағайындалуы мен артылу мөлшері 2019 жылдың 1 қаңтарынан бастап 2 525 теңгеге сүйене отырып арттырылды. Яғни, №1 тізім бойынша 23 786 теңгені, ал №2 тізім бойынша 21 160 теңгені құрады. Ата-аналарға, қорғаншылар немесе қамқоршыларға берілетін немесе мүгедек баланы тәрбиелеушіге берілетін жәрдемақылардың тағайындалуы мен арттырылуы 1,05 айлық есептік көрсеткіштің мөлшерінен алынып, 31 183 теңгені құрайды.
Бала туғанда берілетін біржолғы мемлекеттік жәрдемақы мен бала бір жасқа толғанға дейін оның күтіміне байланысты берілетін мемлекеттік жәрдемақы мөлшерлері жоғарыда атап өткендей, 2019 жылдың 1 қаңтарынан айлық есептік көрсеткіштің артуына байланысты болды. Демек, бірінші, екінші, үшінші балаға – 95 950 теңге (38 айлық есептік көрсеткіш); төртінші және одан кейінгі балаларға – 159 075 теңге (63 айлық есептік көрсеткіш) төленді.
Сондай-ақ, бала бір жасқа толғанға дейін оның күтіміне байланысты ай сайынғы төленетін жәрдемақы мөлшерінің төлемі мынадай болады:
-
Бірінші балаға 14 544 теңге;
-
Екінші балаға 17 196 теңге;
-
Үшінші балаға 19 822 теңге;
-
Төртінші және одан кейінгі балаларға 22 473 теңге.
