Түркістан облысы Жетісай ауданының әкімі Жамантай Бейсенбаевтың өкімімен Тұрсынбай Азратұлы Мырзалиев Жетісай аудандық білім бөлімінің басшысы болып тағайындалды, деп хабарлайды Жетісай ауданы әкімінің баспасөз қызметі.
Жаңа басшыны білім бөлімінің ұжымына аудан әкімінің орынбасары Мақсат Жолдасбеков таныстырып, алдағы жұмысына сәттілік тіледі.
Тұрсынбай Азратұлы Мырзалиев 1977 жылы ОҚО Мақтарал ауданында туылған. Білімі жоғары. Гүлістан мемлекеттік университетін бітірген. Мамандығы — қазақ тілі мен әдебиетінің мұғалімі.
Еңбек жолын 1999 жылы Гүлістан мемлекеттік университетінде қазақ тілі және әдебиеті кафедрасының аға лаборанты болып бастаған. 2001 жылы аталған оқу орнында стажер-ізденуші, 2001 жылы Мақтарал гуманитарлық-экономикалық және агробизнес колледжінде мұғалім, 2003 жылы Мақтарал гуманитарлық-экономикалық және агробизнес колледжінде ғылыми жұмыстар меңгерушісі, 2004 жылы М.Тоқжігітов атындағы орта мектебінде тәрбие ісі жөніндегі орынбасар, 2011 жылы Мақтарал ауданы білім бөлімінің әдістемелік кабинетіне тәрбие ісі бойынша әдіскер лауазымдарын атқарған. 2014 жылы Мақтарал ауданы білім бөлімінің әлеуметтік-құқық секторының бас маманы міндетін атқарушы, 2015 жылы Мақтарал ауданы білім бөлімінің әлеуметтік-құқық секторының бас маманы, 2017 жылы Мақтарал ауданы білім бөлімінің әлеуметтік-құқық секторының меңгерушісі, 2017 жылы Мақтарал ауданы білім бөлімі басшысының орынбасары, 2018 жылдан бүгінгі таңға дейін Жетісай ауданы білім бөлімі басшысының міндетін атқарушы қызметін атқарған.
ЗАҢДЫ БІЛГЕН – ҚҰҚЫҒЫН ҚОРҒАЙДЫ
Шымкентте «Халық заңгері» акциясы тұрғындарға тегін құқықтық көмек көрсетті Қоғамдағы тұрақтылық пен азаматтардың қауіпсіздігін қамтамасыз етуде заңның үстемдігі айрықша мәнге...
