Түркістан облысы Отырар ауданында ауыл шаруашылығы еңбеккерлерінің дəстүрлі Алтын күз мерекесі өтті. Ала жаздай дала төсінде тер төгіп еселі өнім жинаған жергілікті дихан қауымының мерекесі Шəуілдір елді мекенінде ұйымдастырылған ауыл шаруашылығы өнімдерінің жəрмеңкесінен бастау алды.
Отырар ауданына қарасты 13 ауылдық округінен келген шаруалар бұл күні азық түлік тауарларын жергілікті нарықтан 15-20 пайыз төмен бағада саудалап тұрғындарға ұсынды. 
Отырар ауданына қарасты 13 ауылдық округінен келген шаруалар бұл күні азық түлік тауарларын жергілікті нарықтан 15-20 пайыз төмен бағада саудалап тұрғындарға ұсынды. Жәрмеңкеде 5 тонна ұн және 10 тонна картоп, 1 жарым тонна сәбіз, 5 тонна пияз, 2 тонна орамжапырақ секілді түрлі бақша дақылдарымен қатар, ауданның ерекше сұранысқа ие өзіндік айрықша тауары қарбыз бен қауыннан жасалған «қауын қақ», «қауынқұрт» және «Маяқұм шұбаты» және «Отырар шұбаты» секілді түйе сүті мен ет өнімдері, сондай-ақ тары, талқан, құрт, ірімшік сынды 50 тоннаға жуық тауарлар тұрғындар сұранысына ие болды. Ал, жəрмеңкені аралап көрген Отырар ауданының əкімі Ерлан Айтаханов ауыл еңбеккерлерін алтын күз мерекесімен құттықтады.
Айта кету керек, Отырар ауданы бойынша биыл 30 мың гектарға жуық егістік жер игерілсе, оның 10 мың гектары жүгері шаруашылығына тиесілі. Бұл тұрғыда жүгері өнімділігін арттыруда жүйелі жұмыс жасап жоғары нəтижеге қол жеткізген. Отырар ауданында облыс тарапынан берілген барлық индикаторлар өз денгейінде орындалған.
Ал, мерекелік шара барысы Отырар аудандық мəдениет үйінде ауыл шаруашылық саласының озаттарын марапаттаумен жалғасса, алтын күз мерекесінің соңы концерттік бағдарламаларға ұласты!
Абай Омар.
