Жамбыл облысында жел мен күннен және судан энергия өндіретін 168 мегаваттық 10 станция жұмыс істеп тұр.
Бұл бағытта аймақ қазір өзге облыстардан көш ілгері. Тіпті Жуалы ауданындағы Бурное Солар күн электр станциясы бүкіл Орталық Азиядағы ең үлкен нысан болып саналады. Алпауыт станция 224 гектар алқапты алып жатыр. Мұнда сағатына 100 мегаватт энергия өндіріледі. Бұл 70 000 үйге қажетті қуат көзі. Биыл нысанының 2-кезеңінің құрылысы аяқталып, қуаты 50 МВт болатын «Бурное Солар-2» жобасы іске қосылды. Жоба құны 26 миллиард теңге. Бұл компаниялардың барлығы да, өндірген энергиясын оны таратумен айналысатын арнайы мекемелерге тасымалдайды. 2020 жылға қарай бұл тізім тағы толығып, Жамбыл облысы өз қажеттілігінің 60 процентін баламалы қуат көздерінен алады деп жоспарланып отыр.
Мамат Шакиров, энергетика және ТКШ басқармасының бөлім басшысы:
— «Бурное Солар 2» күн станциясының құрылысы аяқталды. Жалпы қуаты 50 МВт. 1-ші, екінші құрылысының жалпы қуаты 100 мегаватты құрап отыр. Жалпы 19-20 жылдары қосымша қосылған жаңартылатын энергия көздері нің қуаты 130-140 мегаваттқа жетеді.
Дереккөз: 24.kz.
