Алматыда Біріккен Ұлттар Ұйымының хабы ашылды

Салтанатты шараға Қазақстандағы ЮНИСЕФ ұйымының өкілдері, елшіліктер мен сыртқы істер министрлігінің қызметкерлері қатысты. Бұл ғимаратта енді Қазақстанда тіркелген шетелдік ұйымдардың кеңселері болады. Жалпы аумағы 28 мың 348 шаршы метрді құрайтын кешенде заманауи жабдықталған кеңселер мен әкімшілік бөлімдер, көлік тұрағы, келіссөздер мен жиындар өткізуге болатын залдар орналасқан. Халықаралық сарапшылардың жұмыс істеуіне қолайлы ғимараттың Орталық Азия елдерінде теңдесі жоқ.

Ержан Ашықбаев, ҚР Сыртқы істер министрінің орынбасары: — Бұл тек Қазақстанға ғана емес, Алматы қаласы үшін ғана емес, Бұл Орталық Азия мемлекеттері үшін маңызды оқиға деп білеміз. Бізде Алматыда орналасқан БҰҰ 14 агенттіктері көбісі субрегионалдық немесе аймақтық мандатқа ие.

Сондықтан олардың да бір ғимаратта отырып өзідерінің жұмыстарын үйлестіру тұрғысынан алға жылжыту. Бұл үлкен қолдау. Афшан Хан, ЮНИСЕФ-тің Орталық Азия мен Еуропа елдері бойынша аймақтық директоры: — Қазақстанда БҰҰ үйінің ашылуы дипломатиялық әріптестігімізді одан әрі дамытуға септігін тигізеді деп ойлаймын. Сондай-ақ бізге берілген ғимарат аумағы өте үлкен. Ол жұмысымызды нәтижелі етумен қатар өткізетін шараларымызға қазақстандықтарды көптеп тартуға ыңғайлы болады. Біз әсіресе жастармен жұмысты күшейтуді жөн көріп отырмыз. Бұл өте керемет сый болды. Саяси маңызы зор бұл іс-шара мемлекет басшысы Нұрсұлтан Назарбаевтың бастамасымен қолға алынған.

Халықаралық талаптарға сай салынған ғимарат енді БҰҰ-ның барлық құрылымдарын бір шаңырақ астына біріктіретін болады.
24.kz