Ақпараттық хабарлама. Жеке кәсіпкерлер субъектілері үшін мөрдің күшін жою

Мемлекет басшысының алға қойған «Doing Business» рейтингісіндегі 30 елдің қатарына кіру мақсатына жету үшін Әділет министрлігі елдегі іскерлік ахуалды және Дүниежүзілік банктің «Doing Business» рейтингісіндегі Қазақстанның позициясын жақсарту үшін жүйелі жұмыс жүргізуде.

Бизнестің операциялық шығындарын төмендету туралы 2018 жылды 28 мамырда «ҚР кәсіпкерлік  қызметті реттеуді жетілдіру мәселелері бойынша кейбір заңнамалық актілеріне өзгерістер мен толықтырулар енгізу туралы» Заңымен Кәсіпкерлік кодекстің 10-бабына мемлекеттік органдар мен қаржы ұйымдарына жеке кәсіпкерлік субъектілеріне жататын заңды тұлғалардан құжаттарында мөрдің болуын талап етуге тыйым салатын түзетулер енгізілді.

Мәселен, құжаттарды куәландыру үшін жеке кәсіпкерлік субъектілерінің мөрді пайдалануы міндет емес,тек уәкілетті тұлғаның қолы болса жетіп жатыр.

Дегенмен бұл өзгерістер мөрді пайдалануға тыйым салынады дегенді білдірмейді. Жеке кәсіпкерлік субъектілері өз қызметінде мөрді пайдалануға немесе одан өз қалауы бойынша бас тартуға құқылы.

Мөрді пайдаланбау құқығы жеке кәсіпкерлік субъектілерінің мемлекеттік органдармен, қаржы институттарымен қарым-қатынасын айтарлықтай жеңілдетпек.

Сондай-ақ, жаңа түзетулерге сәйкес, мемлекеттік органдар, қаржы ұйымдары және екінші деңгейдегі банктер құжатта мөрдің болуын талап етуге құқығы жоқ. Олар өкілетті тұлғаның қолы қойылған жеке кәсіпкерлік субъектілерінің құжат көшірмелерін қабылдауға міндетті.

Жеке кәсіпкерлік субъектілерге жататын заңды тұлғаларда мөрдің болуы міндетті емес деген заңнамалық актілерге түзетулер енгізу бизнес жүргізуді жеңілдетудегі Дүниежүзілік банк сарапшыларының ұсыныстарына және АҚШ, Дания, Норвегия, Швеция, Германия, Австрия, Швейцария, Ұлыбритания, Австралия, Канада,Финляндия және Грузия елдерінің тәжірибесіне негізделе отырып жасалды.