Тамыры терең, тарихы кемел Түлкібасқа — 90 жыл

Алатау мен Қаратаудың түйіскен тұсында орын тепкен Түлкібас ауданына биыл 90 жыл толып отыр. Түлкібас ауданына 90 жыл толып отыр. Аудан 1928 жылы 17 қаңтарда құрылған . ауданда қазіргі таңда халық саны 111 мың 200 болса, оның ішінде 26-дан астам ұлт өкілдері тату-тәтті өмір сүруде. Аудан орталығы Т.Рысқұлов  ауылы.

Бүгінгі мерейтойда «Батыс Европа-Батыс Қытай» автодәлізі бойында орналасқан қоғам қайраткері Т.Рысқұлов ескерткішінің алдында шараға келген қонақтарды аудан әкімі Н.Тұрашбеков қарсы алып, ыстық ықыласын білдірді. Жиналған қауым белгілі қоғам қайраткерінің ескерткішіне гүл шоқтарын қойды.

Торқалы 90 жылдық мереке Түлкібас теміржол станциясындағы қазақ халқының біртуар азаматтары М.Тынышпаев пен Т.Рысқұлов ескерткіштерінің ашылу рәсімімен жалғасты. Тарихқа көз жүгіртсек 1915 жылы Түлкібас жерінде темір жол құрылысын басқарған қазақтың тұңғыш темір жол инженері М.Тынышбаев жас Т.Рысқұловпен кездесіп, Т.Рысқұловтың білім алуына бағыт-бағдар беріп, болашағына жол ашқан.

Шараның жалғасы аудан орталығы Т.Рысқұлов ауылының батыс жағында орналасқан көпірдің ашылу рәсімімен ұштасты. Бағдарламаға сай келесі шара Елбасының «Болашаққа бағдар: рухани жаңғыру» бағдарламалық мақаласы аясында Түркістан облысының киелі жерлер географиялық  картасына енген, қайта жөндеуден өткізілген «Түркібасы әулие» кесенесімен танысты.

Кесененің ашылуында аудан әкімі сөз алып, ауданда атқарылып жатқан жұмыстар жайлы айтып өтті. Сондай-ақ, Түлкібастың тумасы «Тіл жанашыры» Осман Асылы Әлиқызы атқарылған игі жұмыстарға өз ризашылығын жеткізді.

Жиынға келген Түркістан облысының әкімі Ж.Түймебаев мерекеге орай жедел жәрдем көлігін медицина қызметкерлеріне табыстады. Сонымен қатар, аудан орталығындағы саябақтың лентасын қиып, саябақты аралады.

М.Х.Дулати атындағы аудандық мәдениет үйінде «Тамыры терең, тарихы кемел — Түркібасы» атты ғылыми-практикалық конференция болып өтті.

Конференцияны ашқан облыс әкімі ауданның әлеуметтік, экономикалық дамуына үлес қосқан бірқатар аудан азаматтарын Алғыс хатпен марапаттады.

Мерекелік шара Т.Рысқұлов ауылындағы «Тұңғыш Президент» саябағында гала концертімен жалғасып жатыр. Думанды меркенің соңы мерекелік от шашумен аяқталады.

Гүлжан Нұрланқызы.