Оңтүстікте өңіраралық «WorldSkills Kazakhstan-2018» чемпионаты басталды. Сайыс студенттер арасында техникалық және кәсіптік 30 сала бойынша өтуде. Облыстық білім басқармасының ұйымдастыруымен өткен жарысқа Қызылорда, Жамбыл, Оңтүстік Қазақстан облыстарынан 130-ға жуық студенттері қатысуда. Чемпионаттың ашылу салтанатында облыс әкімі Жансейіт Түймебаев алғашқы болып сөз алды .
Чемпионаттың ашылу салтанатына ҚР Парламеті Мәжілісінің депутаттары, «Нұр Отан» партиясыныңорталық аппараты мен ҚР Біоім және ғылым министрлігінің өкілдері және Өзбекстан Ркспубликасы мен Жамбыл, Қызылорда облыстарының делегаттары сынды 500-ден астам адам қатысты. Шараға келген қонақтар ең алдымен студенттер жасаған ауылшаруашылығы техникаларынан щығармашылық-инновациялық туындылырын тамашалады. Жоғарғы дәрежедегі додаға қатысушыларға сәттілік тілеген облыс әкімі жастарды халыхаралық стандартқа сай маман етіп дайындау керектігін айтты.
Қазіргі таңда Мемлекет басшысы техникалық-кәсіптік мамандар даярлауға үлкен мән беріп отыр. Сол себепті елімізде индустриалды инновациялық даму бағдарламасы іске асырылуда. Аталмыш көрмеден жас мамандардың алған білімі мен жасаған жұмыстарының нәтижелерін байқауға болады. 4 күн бойы жалғасытын білім жарысында қатысушылар инженерлік, сантехника және жылыту, веб-дизайн, элкетромонтаж, кірпіш қалау, кескіндеме және сәндік жұмыстары секілді мамандықтар арасында бақтарын сынауда. Айта кетейік, Облысымызда 94 техникалық және кәсіптік ұйымдарында 74176 студент білім алуда.
Еске салсақ, былтырғы өткен республика аралық бәсекеде еліміздің атынан шыққан дарындылар қомақты жүлдемен оралып, ел үмітін ақтаған болатын. Бұл жылғы үміткерлер дайындаған шығармашылық жұмыстар да заман дамуына елеулі үлесін қоса алады. Солардың бірі – Оңтүстік Қазақстан политехникалық колледж өнертапқыштары. Олар осы жылы енгізілген латын әліпбиін жылдам үйренуге арналған бағдарлама жасап шығарған.
Чемпионат жеңімпаздарына облыстық білім басқармасының І, ІІ және ІІІ дәрежелі дипломдары мен медальдар тапсырылатын болады. Сонымен қатар, 2018 жылы маусым айында Астана қаласында өтетін Ұлттық Чемпионатқа қатысатын болады.
