26 қазан күні Оңтүстік Қазақстан облысы әкімі аппараты басшысының орынбасарлары Нұрлан Кеңесов пен Әсет Байсынов тағайындалды. Олар Қазақстан Республикасы Президентінің «Болашақ» Халықаралық стипендиясының түлектері. 32 жастағы Қарағанды облысының тумасы Нұрлан Кеңесов Ұлыбританияның Imperial College London жоғары оқу орнын және АҚШ-тың Дьюк университетінің Сэнфорд мемлекеттік саясат мектебін тәмамдаған. Қазақстан Респбликасы Президенті жанындағы Мемлекеттік басқару академиясы Мемлекеттік саясаттың ұлттық мектебінің түлегі. Индустрия және жаңа технологиялар министрлігінде сарапшы лауазымынан бастап стратегиялық жоспарлау департаменті директорының орынбасары лауазымына дейін көтеріліп, мемлекеттік қызметтің барлық сатыларынан өткен. «Нұр Отан» партиясының Орталық аппаратында Инновациялық комитет төрағасы орынбасары болып қызмет атқарған. Ендігі жерде облыс әкімі аппаратының талдау жұмыстарына сондай-ақ жергілікті атқарушы органдардың тиімділігін арттыру мен халыққа қызмет көрсету мәселелерімен айналысатын болады.
Ал, 34 жастағы Оңтүстік Қазақстан облысы Шардара ауданның тумасы Әсет Байсынов «Бес институционалдық реформаны жүзеге асыру жөніндегі Ұлт жоспары 100 нақты қадам» аясында кәсіби мемлекеттік аппарат құру мәселелерімен айналысатын болады. Мемлекеттік және жергілікті басқару және халықаралық даму саясатының магистрі. Ақш-тың Дьюк университетінің Қазақстан Республикасы Президентінің жанындағы Мемлекеттік басқару академиясының және Е.Бөкетов атындағы Қарағанды мемлекеттік университетінің түлегі. Мемлекеттік қызмет өтілі 10 жыл. 5 жылдан астам уақыт басшылық лауазымдарда қызмет атқарған. Экономика және бюджеттік жоспарлау, білім және ішкі істер министрліктерінде, Премьер-министр Кеңсесінде, Мемлекеттік қызмет істері агенттігінде және Солтүстік Қазақстан облысы Қызылжар ауданы әкімінің әлеуметтік мәселелер жөніндегі орынбасары қызметін атқарған. 
