ЖАҢА КОНСТИТУЦИЯ — ЖАҢА МҮМКІНДІКТЕР БАСТАУЫ

 Шымкентте үкіметтік емес ұйымдардың қатысуымен Жаңа Конституцияның маңызы мен жаңашылдықтары талқыланды. Басқосу барысында Ата заңға енгізілген реформалардың қоғам өміріне ықпалы, азаматтардың құқықтары мен бостандықтарын қорғауды күшейту, сондай-ақ қоғамдық институттардың рөлін арттыру мәселелері кеңінен сөз болды.Іс-шараға қатысушылар Жаңа Конституцияның елдегі демократиялық үдерістерді нығайтуға, заң үстемдігін қамтамасыз етуге және мемлекет пен қоғам арасындағы өзара байланысты күшейтуге ықпал ететінін атап өтті.Кездесу барысында қатысушылар реформалардың мәні мен мазмұны жөнінде пікір алмасып, Конституциядағы жаңа нормалардың іс жүзінде жүзеге асырылуы азаматтардың әл-ауқатын арттыруға және әділетті қоғам құруға негіз болатынын айтты. Сондай-ақ жаңа Конституция әрбір азаматтың болашаққа деген сенімін нығайтатын маңызды құжат екені айтылды. Онда адам құқықтары мен бостандықтарын қорғау басты басымдықтардың бірі ретінде айқындалған.Сонымен қатар жиында Ата заңға енгізілген реформалардың құқықтық мәдениетті қалыптастырып, қоғамдық жауапкершілікті арттырудағы маңызы сөз болды. Қатысушылардың пікірінше, жаңа Конституция азаматтық қоғам институттарының, соның ішінде үкіметтік емес ұйымдардың қызметін дамытуға және олардың қоғамдық өмірдегі белсенділігін арттыруға жаңа мүмкіндіктер береді.Басқосуда жастардың білім алу құқығына да ерекше назар аударылды. Қатысушылар білім – мемлекеттің тұрақты дамуы мен қоғамның өркендеуінің негізгі кепілі екенін атап өтті. Жаңа Конституцияда әрбір азаматтың сапалы білім алу құқығы бекітіліп, жастардың жан-жақты дамуына, қабілеттерін шыңдауға және олардың әлеуетін толық іске асыруына қолайлы жағдай жасау көзделгені айтылды.