RED BUS ЖАҢА МАУСЫМЫН БАСТАДЫ

Шымкенттің кешкі көрінісін енді қызыл автобуспен тамашалауға болады. Қалада туристік Red Bus экскурсиялық автобусының жаңа маусымы ашылды. Жаздың ерекше атмосферасын сезіндіріп, қаланың әсем келбетін биіктен тамашалауға мүмкіндік беретін екі қабатты автобус күн сайын кешкі серуенге шығады.

 Ерекше атмосфера сыйлайтын екі қабатты автобус күн сайын кешкі сағат 19:00-ден бастап 1 сағат бойы шаһардың ең танымал орындарын аралайды. Жобаның басты мақсаты – туристерге қаланың көрікті жерлерін таныстырып, тұрғындарға кешкі серуеннің ерекше форматын ұсыну. Сонымен қатар, арнайы келген туристерге жеңілдіктер де қарастырылған.

Ал билет бағасы ересектерге – 3000 теңге, балаларға – 2000 теңге болса, 6 жасқа дейінгі балаларға тегін. Қызыл автобустың алғашқы жолаушылары өз әсерлерімен бөлісіп, қалада осындай жобаның қолға алынғанына қуанышты екенін жеткізді. Қызыл автобус тоқтайтын орын – Технопарк маңындағы бұрынғы орталық кіреберіс, Shymkent Hotel қонақ үйінің қарсы беті. Автобус жолаушыларды сол жерде сағат 17:00-ден бастап күтеді. Ал билеттерді автобустың өзінен сағат 17:00 мен 19:00 аралығында сатып алуға болады. Кешкі Шымкентті жаңа қырынан көргіңіз келсе, қызыл автобуспен серуендеуге асығыңыз!