Шымкент қаласында тағы бір «Жас сақшы» сыныбы ашылды. №16 мектеп базасында құрылған арнайы сыныпқа халық қаһарманы Ғазиз Байтасовтың есімі берілді. Батырдың ерлігі мен елге қызмет ету жолы өскелең ұрпаққа үлгі болмақ. Жаңа бағыттағы сыныпқа 30-ға жуық оқушы қабылданған. Үміткерлер алдын ала шығармашылық және физикалық дайындық бойынша арнайы іріктеуден өтті. Басты мақсат жастардың бойында патриоттық рухты қалыптастырып, тәртіп пен жауапкершілікті арттыру. Еске салайық, Ғазиз Байтасов Тараз қаласындағы лаңкестік шабуыл кезінде жанқиярлық танытып, қаскөйдің гранатаны халыққа қарай лақтыруына жол бермей, ерлікпен қаза тапқан болатын. Бүгінде батыр есімі ел жадында сақталып, жас буынға өнеге ретінде насихатталып келеді.
Бұл қала бойынша ашылып жатқан тоғызыншы «Жас сақшы» сыныбы. Мұнда оқушылар алғашқы әскери дайындықпен қатар, құқықтық сауаттылық пен азаматтық жауапкершілік бағытында білім алады.Салтанатты жиын барысында оқушылар ант қабылдап, патриоттық әндер шырқалды. Сондай-ақ батыр Ғазиз Байтасовтың ерлігі жайлы арнайы бейнеролик көремен жанын тебірентті.
