ОНКОУРОЛОГИЯДАҒЫ СОҢҒЫ ЖАҢАЛЫҚТАР

Елімізде онкоурология дертімен ауыратын 245 мың науқас тіркелген. Осыған байланысты республикадағы жетекші дәрігерлер Шымкентте бас қосты. Конференция «Онкоурология 2026: теориядан тәжірибеге» атты ғылыми-практика аясында өтті. Іс-шарада аталмыш саладағы өзекті мәселелер, заманауи емдеу тәсілдері жан-жақты талқыланды.

Онкологиялық ауру бірден байқалмайды. Оны анықтау үшін медициналық көмекке жүгініп, анализ тапсыру қажет. Сонда ғана адам бойындағы сырқатты анықтауға болады. Бүгіннің өзінде қалада 9-мыңға жуық азамат осы дерт түрімен кезекте тұр. Дәрігерлер жасанды интеллект дәуірінде бірқатар аппараттарды қолдану арқылы науқастардың диагнозын қоюға мүмкіндік алуда. Десек те ем орталығына келетіндердің көбі ауруы асқынғандар, сондықтан қажетті сынамаларды уақытында тапсырып тұру тұрғындар өмірін біршама жеңілдетпек дейді сала мамандары.

Бүйрек пен Зәр шығару жүйелері адам баласының ең маңызды органдары. Қазіргі таңда ең өзекті мәселелер осы дене мүшелерінен анықталуда. Оның ішінде ісіктер мен без аурулары аса қауіпті.
Аталған ауру түрімен егде жастағы және 30 жас аралығындағы ер адамдар жиі ауырады. Оның алдың алу үшін денсаулықты күтіп, тұзды тағамдардан, ішімдіктер мен темекіден бастартқан жөн.Шара барысында қатысушыларға соңғы ғылыми жетістіктер таныстырылып, жоғары технологиялық лапароскопиялық операциялар бойынша шеберлік сабақтары көрсетілді. Мамандардың айтуынша, мұндай тәжірибе алмасу халыққа көрсетілетін медициналық көмектің сапасын арттыруға мүмкіндік береді.