КІТАП АРҚЫЛЫ ЖАҚЫНДЫҚ ОРНАТҚАН ҚОС ЕЛ

Әлем әдебиетінің — шеті де, шегі де жоқ. Өйткені, оның оқырман саны есепсіз.Қалалық орталық балалар кітапханасында “Халықтар достығы, әдебиеттер достығы” бағдарламасы аясында Қазақстан — Беларусь мемлекеттерінің кітаптары телекөпір арқылы талқыланды. Аталған жоба 1 мамыр бірлік күнінің негізінде көрініс тапты.

 Мұнда келуші балалардың көбі әлем әдебиетін сүйіп оқиды. Бүгінгі жиын соның айқын дәлелі болса керекті. Қатысушылар өздерінің бар білгендерін ортаға салып бірі өлең, енді бірі шығарма оқып, тікелей эфирде Беларустық оқушылармен пікір алмасты.Әдебиеттің бала бойына сіңірер тәрбие, тағылымы ұшан теңіз. Одан тек оқиға көрінісін байқап қана қоймай, ұлттық салт дәсүрді және бүтін бір елдің мәдениетін көруге болады. Бүгінгі іс шарада қатысушылар Ыбырай Алтынсариннің оқулықтарын кеңінен сөз етті.

Қалалық орталық балалар кітапханасы 2021 жылдан бастап Беларусь мемлекетінің арнайы балалар кітапханасымен меморандум түзген. Яғни қос елдің білім қайнарлары өзара тәжірибе алмасып, оқушылардың дүниетанымдарын кеңейтіп келеді. Сонымен қатар жиында Беларусь балалар әдебиетіне де назар аударылды. Қатысушылар беларустық жазушылар шығармасын талқылап, оның мазмұны мен тәрбиелік мәніне тоқталды. Осындай туындылар арқылы балалардың қызығушылығы артып, екі ел арасындағы рухани байланыс нығая түсті.