ҮШ ЕЛ КӘСІПОДАҚТАРЫ ЫНТЫМАҚТАСТЫҚТЫ НЫҒАЙТТЫ

Шымкентте Қазақстан, Өзбекстан және Тәжікстан кәсіподақтарының халықаралық кездесуі өтті. 2021 жылы құрылған Орталық Азия елдерінің кәсіподақ кеңесі бүгінде қарқынды даму үстінде. Жиын барысында Азия елдері арасындағы ынтымақтастық пен еңбеккерлердің құқықтарын қорғау мәселелері талқыланды. 2021 жылдың қараша айында құрылған бірегей интеграциялық құрылым бүгінде қарқынды дамуда.

Кездесу барысында «Шымкент қаласы кәсіподақтар орталығы» мен Ташкенттің кәсіподақтары арасында ынтымақтастық туралы келісімге қол қойылды. Тараптар алдағы уақытта бірлескен жобаларды жүзеге асыруға ниетті екенін жеткізді. Бүгінде Қазақстан Республикасы Кәсіподақтар федерациясы құрамында 2 миллионнан астам мүше бар. Шымкентте 8 салалық, 7 жергілікті және 320 бастауыш кәсіподақ ұйымы 60 мыңнан астам адамды біріктіріп отыр. Ал Өзбекстан Кәсіподақтар федерациясының Ташкент облыстық кеңесіне 3 мыңнан астам ұйым қарайды, кәсіподақ мүшелерінің саны 650 мыңнан асады. Тараптар еңбек адамдарының құқықтарын қорғау мен әлеуметтік әріптестікті дамыту бағытында ынтымақтастықты күшейтпек. Кеңес мүшелерінің негізгі мақсаты – халықаралық стандарттарға сәйкес еңбек адамдарының құқықтары мен заңды мүдделерін қорғау. Сонымен қатар, жұмыскерлердің әлеуметтік-еңбек және экономикалық кепілдіктерін күшейту бағытында ортақ жұмыстарды жүзеге асыруды көздейді.

Осы арқылы тараптар әлеуметтік әріптестікті дамытып, кәсіподақтар арасындағы ынтымақтастықты нығайтуды мақсат етеді. Шымкентте өткен бұл жиын аймақтар арасындағы өзара байланысты жаңа деңгейге көтеріп, Орталық Азия елдері кәсіподақтарының ынтымақтастығын нығайтуға тың серпін береді. Кездесу барысында тараптар тәжірибе алмасып, еңбек адамдарының құқықтарын қорғау бағытындағы бірлескен жобаларды талқылады.