ТЕННИСТЕН ҚАЗАҚСТАН КУБОГЫ ӨТТІ

Үшінші мегаполисте алғаш рет тенистен Қазақстан Кубогы өтті. Елдің түкпір-түкпірінен келген ерлер және әйелдер командалары бас қосып, спорттық додада ең мықтылар анықталды. Шаһарда өтіп жатқан турнирге  17 команда қатысып,  150-ге жуық спортшы бақ сынасты. Бұл жарыс еліміздегі спорттың дамуына серпін беріп, өңірлік командалардың шеберлігін арттыруды мақсат етті. Турнирге ерлер арасында 10 команда, әйелдер арасында 7 команда қатысты. Қатысушылар қатарында Астана, Алматы, Шымкент қалалары және бірнеше облыстық құрамалар бар. Әр команда жоғары деңгейдегі ойын өрнегін көрсетіп, өз аймағының намысын қорғады. Спортшылар арасындағы тартыстар жанкүйерлерге қызыққа толы сәттер сыйлады. Командалар алғашқы минуттардан-ақ жоғары қарқын мен мықты дайындықтарын көрсетті. Әр кездесу бәсекеге толы өтіп, қатысушылар жеңіс үшін аянбай тер төкті. Әрбір матчта спортшылар бар күшін салып, техника мен командалық бірлікті паш етті. Қазақстан Кубогының Шымкент қаласында алғаш рет өткізілуі өңір инфрақұрылымының дамып келе жатқанын айқын көрсетті. Қала ұлттық деңгейдегі ірі спорттық жарыстарды қабылдай алатын әлеуетін дәлелдеді. Бұл турнир жергілікті спортшылар үшін тәжірибе жинап, өз мүмкіндігін көрсетуге үлкен мүмкіндік. Жабылу салтанатында ең үздік командалар анықталып, кубоктармен медальдар табысталды.