ДОСТЫҚТЫ НЫҒАЙТҚАН ФЕСТИВАЛЬ

Үшінші мегаполисте Қазақстан халқы Ассамблеясының 30 жылдығына арналған «Жанға жайлы жерұйық – біздің Отан» атты фестиваль өтті. Іс-шараны қалалық Армян және Славян этномәдени бірлестіктері ұйымдастырды. Көрмелер мен ұлттық өнер туындылары арқылы түрлі этностардың мәдениеті көрермен назарына ұсынылды. Мерекенің басты мақсаты – халықтар арасындағы достық пен өзара сыйластықты нығайту.

«Жанға жайлы жерұйық – біздің Отан» фестивалі көрмеден басталды, онда түрлі суреттер мен қолөнер туындылары көрерменге ұсынылды. Көрмеде армян мен славян елдерінің мәдениеті әсем көрініс тапты. Қонақтар құмыра түрлерін тамашалап, суреттерден жылылық сезінді. Көрермендер Армян және Славян мәдениетімен танысып, рухани әсер алды. Достық үйінде кеш үш тілде өтті, ұлттық әндер айтылып, өнерпаздар жұрттың қошеметіне бөленді. сондай-ақ Жиында Абай Құнанбайұлының өлеңдері оқылып, көрерменге ерекше әсер сыйлады. Қазақ, белорус және украин халықтарының өнері мәдени үйлесімділік пен бірлікті паш етті. Фестиваль көрермендерге ұлттық салт-дәстүрлерді түсініп, бағалауға мүмкіндік берді.

Шымкент қаласының «Қоғамдық келісім» мекемесі осындай мәдени жобаларды тұрақты қолдап келеді. Бұндай шаралар қаламыздағы этностар арасындағы достық пен қоғамдық келісімді нығайтуға үлес қосады. Фестиваль көрермендерге рухани байлық пен бірлік сезімін сыйлады.