БАТЫР РУХЫНА АРНАЛҒАН ХАЛЫҚАРАЛЫҚ ДОДА

Үшінші мегаполисте Кеңес Одағының батыры Қарақозы Әбдалив ті еске алуға арналған 44 халықаралық бокс турнир басталды.  Шымкент қаласының спорт басқармасы мен бокс федерациясының ұйымдастыруымен өтіп  жатқан бәсекеде 5 елдің спортшылары бақ сынасады. Жарысқа Қазақстанның барлық аймағы және бірнеше елден 100ден астам спортшы  қатысуда. 5 күнге созылатын сайыста ең мықты былғары қолғап шеберін анықтайды.

Кеңес Одағының Батыры Қарақозы Абдалиевті еске алуға арналған 44-ші халықаралық бокс турнирінің салтанатты ашылуы өтті. Бұл дәстүрлі дода — жас спортшылардың шеберлігін шыңдап, батыр рухына тағзым ететін айтулы спорт мерекесіне айналған.

Биылғы турнирге бес мемлекеттен — Өзбекстан, Қырғызстан, Біріккен Араб Әмірліктері, Украина және Қазақстаннан келген 100-ге жуық талантты боксшы қатысып жатыр. Спорттық дода — жас былғары қолғап шеберлеріне халықаралық деңгейде өз мүмкіндіктерін сынауға, тәжірибе алмасуға және батыр Қарақозы Абдалиевтің ерлік рухын дәріптеуге мүмкіндік беру. Қарақозы Абдалиев — Отан соғысы жылдарында ерлігімен ел есінде қалған қаһарман тұлға. Оның ерлік жолы мен елге сіңірген еңбегі кейінгі ұрпақ үшін патриоттық өнеге болып табылады. Сол себепті де жыл сайын өткізілетін бұл турнир жас спортшыларды рухтандырып, еліміздің спорттық және рухани өмірінде маңызды орын алады.

Ұйымдастырушылардың айтуынша, жарыс тек спорттық сайыс қана емес, сонымен қатар достық пен ынтымақтастықтың мерекесі болмақ. Халықаралық деңгейдегі бұл дода елдер арасындағы спорттық байланысты нығайтып, Шымкенттің спорт орталығы ретіндегі мәртебесін арттыра түседі.