ГРЕК-РИМ КҮРЕСІНЕН РЕСПУБЛИКАЛЫҚ ТУРНИРІ ӨТТІ

Шымкентте грек-рим күресінен КСРО спорт шебері, академик Мардан Сапарбаевты еске алуға арналған 31-ші республикалық ашық турнир өтті. Дәстүрге айналған бұл дода биыл да жоғары деңгейде ұйымдастырылып, әдемнің түкпір-түкпірінен келген балуандардың басын қосты. Турнирдің басты мақсаты — жастар арасында салауатты өмір салтын насихаттап, ұлттық спортты дамыту.

Жарыстың салтанатты ашылу рәсіміне спорт саласының ардагерлері мен белгілі балуандар қатысты. Сайыс барысында қатысушылар өз шеберліктерін көрсетіп, тартысты белдесулер ұсынылды. Ресей, Қырғызстан, Өзбекстан, Әзербайжан және Чехия елінен келген спортшылар да дода көрігін қыздырды. Жалпы, биылғы турнирге 300-ге жуық балуан қатысып отыр.

Жеңімпаздар мен жүлдегерлер арнайы медальдармен, дипломдармен және ақшалай сыйлықтармен марапатталады. Бұл дәстүрлі турнир еліміздегі ең беделді спорттық жарыстардың бірі саналады. Ұйымдастырушылардың айтуынша, мұндай турнирлер жастардың спортқа деген қызығушылығын арттырады. Күрес түрлерінен Шымкент қаласы федерациясының президенті Марат Сапарбаев ерекше ілтипат білдіріп, спорт саңлақтарына сый-сияпат табыс етті. Олардың қатарында грек-рим күресінен әлем чемпионы Айдос Сұлтанғали, әлем чемпионатының жүлдегері Омар Сатаев және әйелдер күресінен тұңғыш әлем чемпионы Шұғыла Өмірбек бар. Бұл – отандық спорттың дамуына үлес қосқан азаматтарға көрсетілген құрметтің белгісі.