МӘСЕЛЕЛЕР ПАРТИЯНЫҢ НАЗАРЫНДА

Еңбекші ауданында жарық мәселесі өзекті. Бұл туралы Аманат партиясының мобильді қоғамдық қабылдауында айтылды. Жалпы партияның «Құқықтық көмек» жобасы аясында жыл басынан бері халықтан 400-ге жуық өтініш-тілектер түскен.  Қазіргі таңда шешу жолдары қаралуда.

                                                                                                                                            Жиынның мақсаты — шалғай аймақтарда тұратын азаматтардың партиямен тікелей байланысын күшейту. Мобильді қабылдау барысында тұрғындар әлеуметтік жағдай, инфрақұрылымның жетіспеушілігі, тұрғын үй, коммуналдық қызмет сапасы және жұмыспен қамту мәселелерін көтерді. Әрбір өтініш жеке тыңдалып, заң аясында нақты түсіндірме берілді. Жедел шешім қабылдауды қажет ететін мәселелер сол сәтте қарастырылып, жауапты мекемелерге тапсырмалар берілді.

Еңбекші ауданының тұрғыны Ержан Есіркеп жарықтандыру инфрақұрылымын жақсарту мәселесін айтып, шешіп беруді өтінді.  Мобильді қоғамдық қабылдау – партия мен халық арасындағы ашық диалог алаңы. Бұл жоба арқылы тұрғындар өз мәселелерін тікелей жеткізіп, уақтылы жауап пен нақты қолдау алу мүмкіндігіне ие болады.