Тарихы мен қалыптасуы
«Золотое яблоко» (Gold Apple) – Ресейден шыққан ірі парфюмерия және косметика дүкендер желісі. Компанияның негізін қалаушылар – Иван Кузовлев пен Максим Паняк. Олар Екатеринбургтегі орта мектептен танысып, кейін Урал мемлекеттік экономикалық университетінде бірге білім алған.
Алғашқы дүкен 1996 жылы Екатеринбургте ашылды. Ол кезде шағын форматтағы дүкен тек косметика мен парфюмерия өнімдерін ғана ұсынатын. 2004 жылдан бастап супермаркет форматына көшіп, ассортиментті кеңейтті, бұл компанияның дамуындағы жаңа кезең болды.
Қазақстан нарығындағы дамуы
Қазақстанға «Золотое яблоко» 2022 жылы келді. Алғашқы дүкен Алматыдағы MEGA Alma-Ata сауда орталығында ашылды. Кейін Астана, Шымкент қалаларында да ірі супермаркеттер іске қосылды. 2023 жылы Астанада MEGA Silk Way орталығында көлемі 1 395 шаршы метрді құрайтын ең үлкен дүкен ашылды. Мұнда 600-ден астам бренд пен 29 мыңға жуық тауар
ұсынылды. Қазақстандағы дүкендердің ерекшелігі – заманауи дизайн, ашық жарық, фотозоналар, клиентке ыңғайлы интерьер және тауардың қолжетімді әрі кең таңдауы.
Танымалдығының құпиясы
«Золотое яблоко» дүкендері тұтынушылар үшін тек сауда жасау орны емес, сән мен сұлулық мәдениетінің орталығы. Мұнда студенттерге қолжетімді өнімдерден бастап, люкс деңгейіндегі брендтерге дейін бар. Forbes журналының зерттеуіне сәйкес, күн сайын дүкенге мыңдаған адам
келеді. Бұл компанияның баға саясатының икемділігі мен тұтынушыға бағытталған стратегиясын дәлелдейді. Жастар арасында бұл дүкен тек косметика сатып алу орны емес, сонымен қатар жаңа трендтерді бақылауға, уақыт өткізуге және заманауи стильді сезінуге арналған кеңістікке
айналған.
Жаңашылдыққа ұмтылыс
Компания тек бөлшек саудамен шектелмей, халықаралық деңгейде де кеңеюде. 2025 жылы Ресей аумағында жеке косметика зауытын іске қосу жоспарланған. Бұл импортқа тәуелділікті азайтып, отандық өнімдердің үлесін арттыруға мүмкіндік береді. Ал 2026 жылы Қытайдың Шанхай қаласында алғашқы дүкенін ашу көзделуде. Сонымен қатар, Дубай мен Сауд Арабиясында да «Золотое яблоко» дүкендері жұмыс істеп тұр. Бұл
компанияның халықаралық нарыққа шығудағы қарқынды қадамдарын көрсетеді.
Өнімдер мен тұтынушылар таңдауы
Gold Apple желісі түрлі аудиторияға арналған кең ассортиментімен ерекшеленеді. Ең көп сұранысқа ие тауарлар қатарында: әлемдік брендтердің парфюмериясы,корейлік бет күтіміне арналған өнімдер,
ресейлік декоративті косметика,
сәнді макияж құралдары бар.Flacon журналының дерегінше, жастар көбіне сәнді декоративті косметикаға, ал ересектерсапалы парфюмерияға көбірек мән береді.
Корпоративтік журналистика тұрғысынан зерттеу бағыттары
Компанияны зерттеу үшін келесі бағыттар қарастырылады: Ресми деректер мен архивтер – құрылу тарихы, заңды мәртебесі, қаржылық есептері.
Нарықтағы орны – бәсекелестермен салыстыру, клиенттердің талғамы.
Маркетинг пен жарнама стратегиясы – дүкендердің ашылуы, онлайн платформалардағы
белсенділік.
Корпоративтік мәдениет және PR – тұтынушылармен қарым-қатынас, әлеуметтік
жауапкершілік, кадрлық саясат.
Болашақ жоспарлар – халықаралық нарықтағы кеңею, жаңа дүкендер, өндірістік жобалар.
Қорытынды
«Золотое яблоко» – Ресейден бастау алғанымен, бүгінде халықаралық деңгейге шыққан
сұлулық индустриясының ықпалды бренді. Қазақстандағы ашылған дүкендері қысқа уақытта
танымалдылыққа ие болды. Компанияның басты артықшылығы – қолжетімді баға, сәнді
атмосфера және тұтынушыларға ерекше көңіл бөлу.
Корпоративтік журналистика тұрғысынан «Золотое яблоко» үлгі ретінде қарастыруға тұрарлық:
ол бизнес стратегиясын, маркетингті, корпоратив мәдениетті және халықаралық деңгейдегі
табысты дамуды көрсететін бренд болып отыр.
«Айғақ» ақпараттық порталы
Авторы: Бауыржанқызы Жанерке
Жетекшісі: Жамашева Жанар
