ҚУЫРШАҚ ТЕАТРЫНДА ЖАҢА ПРЕМЬЕРА

Шымкентте  қуыршақ театры көрермендерге жаңа туындысын ұсынды. Ертегі желісі бойынша сахналанған «Қасқыр болғым келеді» қойылымы бүлдіршіндерге ерекше әсер сыйлады. Премьераға жүзге жуық бүлдіршін келіп, ертегі әлеміне енді. Қойылымның басты мақсаты — балаларды адалдыққа, мейірімділікке және өзін-өзі тануды үйрету болды.

Шараның ашылуы әртістердің көңілді флешмобымен басталып, кішкентай көрермендердің жүзіне күлкіге сыйлады. Қойылым сюжеті өзін-өзі тану мен арманға адалдық тақырыбына негізделген. Басты кейіпкер — қошқар, ол қасқыр болуды армандайды, себебі қасқырлар оған күшті әрі батыл болып көрінеді.

Алайда ол шынайы батырлық — өз болмысыңды қабылдау, жүректегі тазалық пен достықты қадірлеу екенін кейіннен түсінеді. Қойылым арқылы көрермендер адалдық, достық, түсіністік және шынайылық сияқты өмірлік құндылықтарды бойына сіңірді. Оқиға желісі арман мен қиялдың шексіз мүмкіндігін паш етеді. Кішкентай көрермендер қойылымнан кейін өз армандары мен болмысын бағалауды үйренді.

Қойылымның қоюшы режиссері — халықаралық деңгейде танылған дарынды маман Григорий Евгеньевич Лайко. Оның туындылары әлемдік фестивальдерде жоғары марапаттарға ие болған. Арнайы шақырылған шебер режиссердің жаңа жұмысы Шымкент қуыршақ театрының шығармашылық қоржынына тың серпін берді. «Қасқыр болғым келеді» қойылымының премьерасы үш күн бойы жалғасады.