ТҰРАНДЫҚ ТҰРҒЫНДАРДЫҢ МӘСЕЛЕСІ АЙТЫЛДЫ

Шымкент қаласының әкімі халықпен кзедесуін Тұран ауданында түйіндеді. Ашық форматта өткен жиында тұрғындар ауданның өзекті мәселелерін көтеріп, ұсыныстарын білдірді. Халық бірнеше көшеде асфальттау жұмыстарының аяқталмай қалғанын айтып, наразылықтарын білдірді. Сонымен қатар, бұқара көшедегі тәртіпсіздік пен олқылықтарды да атап өтіп, жергілікті биліктен қадағалау мен шешім күтетінін жеткізді.

Тұран ауданының тұрғындары  жаңа тұрғын үй алаптарында халық саны күн санап өсіп жатқанын айтып, тұрғын үй кезегін жақындатып беруін сұрады. Сондай-ақ, халық полиция пункті, мәдениет үйі, мектеп және балабақша құрылыстарының қажеттігін айтты. Ал, әкім ұл мәселені бақылауға алып, кезеңге сай жүзеге асатынын жеткізді.

Сондай-ақ, Кездесуде көше жарығын жүргізу, жолдарды асфальттау және аулаларды абаттандыру мәселелері де айтылды. Тұрғындар тарапынан түнгі уақытта мерекелік отшашулардың шуы мен көшеде мопедпен жарысатын жастардың әрекеті мазаны қашырады екен. Қала басшысы аудан әкіміне және басқарма жетекшілеріне барлық көтерілген ұсыныс пен өтінішті мұқият қарап, шешу жолдарын қарастыруды міндеттеді. Сонымен бірге,  кездесуде тұрғындармен кері байланысты жүйелі жолға қою қажеттігін ерекше атап өтті.