ДҮНИЕЖҮЗІЛІК ТОҒЫЗҚҰМАЛАҚ КҮНІ

9 қыркүйек — Дүниежүзілік Тоғызқұмалақ күні. Осыған орай Шымкентте ұлттық ойынға арналған спорттық  дода өтті. Бұл бәсекеге спорт басқармасына қарасты мекемелердің басшылары мен орынбасарлары қатысты. Айта кетейік, тоғызқұмалақ 2020 жылы ЮНЕСКО-ның материалдық емес мәдени мұралар тізіміне енген болатын.  9 қыркүйек — Тоғызқұмалақ күні. Осыған орай бүгін еліміздің барлық оқу орындарында сағат 09:00-ден 21:00-ге дейін онлайн флешмоб ұйымдастырылды. Шымкент қаласының өзінен 2000-ға жуық оқушы бұл бастамаға белсенді қатысты. Іс-шара барысында ұлттық салт-дәстүр дәріптелді.

Сайысқа қатысушылар ұлттық спортты жарыстағы жеңіс үшін емес, бірлік пен татулықтың үлгісі ретінде насихаттады. Бұған дейін тоғызқұмалақтан жеті әлем чемпионаты мен алты Азия чемпионаты ұйымдастырылған. Аталмыш спорт түріне елімізде ғана емес, әлем бойынша жүзден астам мемлекет қызығушылық танытып отыр. Естеріңізге сала кетейік, 2024 жылы 9 қыркүйекте ұлттық үстел ғарыш кеңістігіне шығарылған еді.

Мемлекет басшысы Қасым-Жомарт Тоқаев ұлттық спорт түрлерін дамыту қажеттігін 2022 жылы атап өткен болатын. Содан бері тоғызқұмалаққа деген қызығушылық артып, елімізде 200 мыңнан астам адам бұл ойынмен тұрақты түрде айналысып келеді. Ал Шымкентте 600-ге жуық спортшы тоғызқұмалақпен дәстүрлі түрде айналысады.  Іс-шара барысында төрелік еткен төрешінің ұлының тұсауы кесіліп, көпшілікке рухани әсер сыйлады.