МЕГАПОЛИСТЕ КЕЛЕШЕК МЕКТЕБІ ЕСІГІН АШТЫ

Үшінші мегаполисте 12-шы жайлы мектеп пайдалануға берілді. Жыл сайын тұрғындар саны артып келе жатқан қалада 400 мың бала мектеп жасындағылар. Ұлттың басты мұраты — сапалы білім мен саналы ұрпақ тәрбиелеу екенін айтқан қала әкімі барша тұрғынды айтулы мерекемен құтықтады.

Қаламызда №151 жалпы орта білім беретін мектебі өз есігін оқушыларға айқара ашты. 1500 оқушыға арналған бұл жаңа нысан заманауи талаптарға сай жобаланып, типтік үлгіде салынған. Ашылу салтанатына қала әкімі арнайы қатысып, жас бүлдіршіндерге сәттілік тілеп, жаңа оқу жылының табысты болуы  үшін білікті педагогтардың қатарын арттыру қажет дейді

Айта кетейік, бүгінде мектеп инклюзивті білім беру талаптарына сай жобаланып, ерекше білім беру қажеттіліктері бар балаларға арналған бейімделген сыныптар мен қолайлы орта қарастырылған. Мұнда 60 оқу кабинеті, 375 орындық кең асхана, кітапхана, шеберхана, IT-кабинеттер, STEM-зертханалар, 3 спорт залы, медициналық пункт, компьютер сыныптары және арнайы жабдықталған пән кабинеттері бар.

«Келешек мектептері» жобасы аясында 2025-2026 оқу жылында пайдалануға берілген білім ошақтарының бірі. Жаңа оқу жылында Шымкентте осы жоба аясында №151 мектеппен қатар, 1200 орындық №152 жаңа мектеп және 600 орындық қосымша құрылысы аяқталған №50 мектеп оқушыларға есігін айқара ашпақ. Өткен оқу жылында осы жоба аясында 11 мектеп іске қосылса. Биыл оның қатары 12 жаңа мектеп қатарымен толыққан.