Ата Заңның 30 жылдығы қарсаңында Шымкентте мүмкіндігі шектеулі балаларға 5 АЕК көлемінде бір реттік әлеуметтік көмек көрсетіледі. Бұл туралы қала әкімдігінің ресми өкілі Сәрсен Құранбек брифингте айтты. Жалпы шаһарда әлеуметтік әл-ауқатты арттыру бағытында бірқатар жаңа бастамалар жүзеге асырылып жатыр. Ол туралы толығырақ алдағы сюжетте.
Шымкентте 8 323 мүмкіндігі шектеулі бала бар. Оларға Конституция күні қарсаңында әкімдік тарапынан материалдыө көмек көрсетілмек. Төлем әр баланың жеке шотына автоматты түрде аударылады. Сонымен қатар, ата-анасынсыз қалған 613 балаға 20 АЕК (шамамен 78 640 теңге) көлемінде бір реттік көмек беру жоспарланып отыр. Білім саласында бірнеше мәселер бар. Биыл Шымкентте 1 300 мектепті ағымдағы жөндеуден өткізу жоспарланған. Ал, күрделі жөндеу 26 білім мекемесінде басталса, 9 мектепте жөндеу жұмыстары толық аяқталған. Мегаполисте білім мекемелері Қыркүйек айына сақадай сай. Сонымен қатар, Таскенде 1500 орындық «Келешек» мектебі толық аяқталып, пайдалануға берілді.
“Мектепке жол” акциясы аясында әлеуметтік тұрғыдан азқамтылған балаларға бір реттік 46 500тг жәрдемақы көрсетіледі. Ал, биыл игі бастама аясында мемлекеттік мектептің 56 430 оқушысы қамтылады деп жоспарлануда. Бұндай бір реттік көмектті барлық білім ошақтары ала алады. 2025-2026 оқу жылында 1-4 сынып оқушыларын ыстық тамақпен қамтуға 9 млрд теңге бөлінген. Қала әкімінің қолдауымен биыл жоғары оқу орындарына 285 білім гранты бөлінді. Оның ішінде 226 грант Мұхтар Әуезов универсиетине түссе, 20 түлек Өзбекәлі Жәнібеков университетіне, 1 грант медицина академиясына бағытталды. Сондай-ақ, мәдениет пен өнер саласында Темірбек Жүргенов атындағы қазақ ұлттық академиясына 23, Мұхамеджан Тынышбаев атындағы оқу ордасына 5 грант бөлінген. Оның себебін әкім орынбасары түсіндірді. Баспасөз мәжілісінде Қошқар-Ата өзенінің маңындағы кәріз жүйелерінің мәселесі көтерілді. Жауапты басқарма қаланың 70%-ы ғана кәріз жүйесіне қосылғанын айтады. Қала әкімдігі бұл мәселені шешу мақсатында жұмыстар жүргізіп жатыр.
