Шымкентте алғашқы рет спорттық атудан он алтыншы Азия чемпионаты басталды. Бұл халықаралық жарысқа 27 елден 800-ден астам спортшы қатысуда. Екі аптаға созылатын дода жасөспірімдер, жастар және ересектер санатындағы мергендерді бір аренада жинап, тәжірибе алмасуға және жоғары деңгейде бақ сынасуға мүмкіндік бермек.
16-30 тамыз аралығында өтетін Шымкент қаласында спорттық атудан Азия чемпионатының ашылу рәсімі өтті. Бұл халықаралық чемпионаттың мақсаты мен міндеттері: Қазақстанда және халықаралық деңгейде спорттық атуды танымал ету, Спортшылардың шеберлігін арттырып қана қоймай, Рейтингтерді анықтау және Жаттықтырушылар мен төрешілердің кәсіби біліктілігін арттыру болатын.
Айтулы додаға арнайы келген, нысана көздеуден Азия қауымдастығының президенті шейх Салман Сабах әл-Салем ас-Сабах осынау спорт түрінен қазақстандықтардың алар орны ауқымды екенін атап өтті.
