КАРДИОЛОГТАР МЕН АКАДЕМИКТЕР БІР АЛАҢДА

     Үшінші мегаполисте Қазақстандық атеросклероз қоғамының II съезі өтті. Бұл шара кардиология және липидология саласының жетекші мамандарын біріктірді. Аталмыш жиында 40-тан астам сарапшы қатысып, аурудың алдын алу және емдеу жолдарын талқылады.

Атеросклероз – жүрек-қан тамырлары ауруларының басты себепшісі, қазіргі заманда кең тараған қауіпті дерттердің бірі. Осыған орай үш күн бойы қазақстандық және шетелдік мамандар атеросклероздың алдын алу, ерте анықтау және емдеу жолдарын талқылады.
Сондай- ақ съезд барысында мейіргерлік сессиялар мен көпсалалы әріптестікке ерекше көңіл бөлініп, аурумен күрестің жолдары айтылды. Шетелдік ғалымдар да өз тәжірибелерін бөлісті, соның ішінде Италиядан профессор Альберико Катапано мен профессор Клауди Борги және Ресейден келген профессор Марат Ежов қатысушыларға жаңа тәсілдер мен тәжірибелік білімдер ұсынды.

Жүрек-қан тамырлары аурулары – әлемде өлім-жітімнің басты себебі, және Қазақстан да бұл көрсеткіштен тыс емес. Осыған орай Қазақстандық атеросклероз қоғамының II съезі өтті. Бұл алаңда ұлттық ұсынымдарды әзірлеу, аурудың алдын алу мен емдеудің заманауи әдістерін талқылау және халық денсаулығын жақсартуға бағытталған жаңа жобаларды іске қосу мәселелері қаралды.

   Айта кетейік, бұл жиынға еліміздің жетекші кардиохирургтары, Қазақстан кардиологтар қауымдастығының президенті, академиктер, медициналық ЖОО ректорлары, ірі медициналық ұйымдардың басшылары және тәжірибелі дәрігерлер қатысты.