Шымкентте 300 заманауи аялдама пайдалануға берілді. Жолаушылардың жайлылығы үшін қалада жаңа үлгідегі металл және шыны павильондар орнатылуда. Бүгінде жеке инвесторлардың қолдауымен 62 коммерциялық аялдама салынды. Бұл бизнестің қала өміріне қосқан үлесінің көрінісі. Қоғамдық көлік инфрақұрылымын жаңғырту бағытында ауқымды жұмыстар жүргізілуде. Бұл бастама тұрғындардың жайлылығы мен қауіпсіздігін арттыруға, сондай-ақ көлік мәдениетін жаңа деңгейге көтеруге бағытталған. Бүгінде қала аумағында 2335 аялдама орны тіркелсе, 2025 жылдың өзінде халық тығыз орналасқан және жолаушы ағыны көп аудандарда 300 жаңа үлгідегі аялдама павильоны пайдалануға берілді. Аялдамалар екі түрлі заманауи үлгіде орнатылуда.
Сонымен қатар, қоғамдық кеңістіктің тілдік мәдениетін дамыту бағытында нақты жұмыстар атқарылуда. Атап айтқанда, аялдамаларға қазақ тілінде атау беру кезең-кезеңімен іске асырылып, қазіргі таңда 1062 аялдама атауы орнатылды. Бұдан бөлек, 771 аялдамада жолаушыларға арналған ақпараттық тақтайшалар орнатылды. Айта кетейік, қалада жеке инвесторлардың қаржысы есебінен 62 коммерциялық аялдама салынуда. Бұл жоба бизнестің әлеуметтік жауапкершілігі аясында іске асып жатқан тиімді үлгісі.
