Енді Қарабастау тұрғындары отын тасып әуре болмайды. Себебі елдімекенде көгілдір газ желілері іске қосылды. Бұл жоба былтыр тамыз айында бастау алып, нәтижесінде 1408 абонент табиғи газға қол жеткізеді.
Былтыр Қарабастау тұрғын алабында мердігер мекеме «Отау строй» тарапынан құрылыс жұмыстары басталған.Осыған орай елдімекенге қала әкімі арнайы барып, тұрғындармен кездесті. Кездесу барысында сапалы инфрақұрылыммен қамтамасыз ету — өмір сапасын арттыратын басым бағыттардың бірі екені атап өтілді. Бүгінде барлық үйлер мен көшелерге газ құбырлары тартылған. Елдімекенде 80-ге жуық абонент бар. Ал, бұған дейін қыстың күні газ қысымы әлсіз болып, тұрғындар қиындық көрген. Қазір мемлекеттік газ жүйесі арқылы тұрақты әрі жеткілікті көлемде көгілдір отын беріледі.
Елдімекендерді газдандыруда қауіпсіздік — басты назарда.
Осы мақсатта заманауи жылжымалы-Пергам мобильді зертханасы таныстырылды. Лазерлік технологиямен жабдықталған бұл жүйе метан газын 60 метр қашықтықтан анықтайды. Сондай-ақ qazaqgaz aimaq өндірістік филиалы басшысының айтуынша бұл — төтенше жағдайдың алдын алуға мүмкіндік беретін озық шешім.
Қарабастау елдімекенінде алғаш болып мемлекеттік газ жүйесіне қосылған тұрғын бүгінде көгілдір отынды пайдаланып отыр. Сондай-ақ тұрғын бұл елдімекенге көшіп келгеніне небәрі 20 күн болғанын айтады. Келе сала көгілдір отынға қол жеткізгенін үлкен қуанышқа балап, алғысын білдірді.
