МӘЖІЛІСМЕН ТЖД ЖҰМЫСЫМЕН ТАНЫСТЫ

Шымкент қаласында алты жаңа өрт сөндіру бөлімі салынады. Бұл туралы ҚР Парламенті Мәжілісінің депутаты мегаполиске жұмыс сапары барысында келгенде айтылды. Жиын кезінде азаматтық қорғау саласындағы ахуалмен танысып, өзекті мәселелер талқыланды. Сонымен қатар, депутат бірқатар нысандарды аралап, сала мамандарымен пікір алмасты.Депутат алдымен департамент басшылығымен кездесті. Жиын барысында төтенше жағдайлардың алдын алу, қауіпсіздікті қамтамасыз ету, сондай-ақ саладағы негізгі проблемалар мен оларды шешу жолдары сөз болды. Тараптар атқарылып жатқан жұмыстарды талқылап қана қоймай, алдағы кезеңге жоспарланған міндеттерге де назар аударды.Кездесу барысында Олжас Құспеков департаменттің материалдық-техникалық базасымен танысты. Кезекші-диспетчерлік қызметтің жұмыс барысын көріп, оның ұйымдастырылу тәртібін бағамдады. Сонымен қатар өрт сөндіру бөлімінің жеке құрамымен жүздесіп, қызмет барысы жайлы пікір алмасты. Құтқарушылардың кәсіби даярлығы мен техникалық жарақтандырылуы басты назарда болды.Олжас Хайроллаұлы азаматтық қорғау саласы мамандарының ел қауіпсіздігін қамтамасыз етудегі маңызды рөлін атап өтіп, олардың еңбегі зор құрметке лайық екенін жеткізді. Сондай-ақ, халық қауіпсіздігі жолындағы адал қызметтері үшін алғыс білдіріп, табыс тіледі.