Ақын, «Барыс» және «Парасат» ордендерінің, халықаралық «Алаш» әдеби сыйлығының иегері, Қазақстан Республикасына еңбегі сіңген қызметкер Ханбибі Есенқарақызының 75 жылдығына арналған мерейтойлық іс-шаралар өтті.
Шымкент қаласында Қазақстан Республикасына еңбегі сіңген қызметкері, «Барыс» және «Парасат» ордендерінің, халықаралық «Алаш» әдеби сыйлығының иегері, ақын Ханбибі Есенқарақызының 75 жылдығына арналған бірқатар мәдени және ғылыми іс-шаралар өтті. Шымкент қаласының Мәдениет, тілдерді дамыту және архивтер басқармасының ұйымдастыруымен өтетін бұл шаралар ақынның шығармашылығын кеңінен таныстырып, оның қазақ поэзиясына қосқан өлшеусіз үлесін насихаттауға бағытталған.
Ханбибі Есенқарақызының 75 жылдығына арналған іс-шаралар тізбегі:
1.«Ханбибінің биігі» жазба ақындар жыр мүшәйрасы
Ханбибі Есенқарақызының 75 жылдығына арналған «Ханбибінің биігі» республикалық жыр мүшәйрасының қортындыланды.
Жыр мүшайрасына еліміздің әр өңірінен келген үздік ақындар қатысты.
2. Ханбибі Есенқарақызының «Сендегі мені өшірме» поэтикалық толғауы өтті
Қойылымның баспасөз конференциясында ақынның шығармашылығы мен спектакльдің көркемдік жетекшілері қойылым туралы ақпарат берді. Баспасөз-конференцияға Ханбибі Есенқарақызы, спектакльдің қоюшы режиссері Мөлдір Айдарқызы және басқа да өнер қайраткерлері мен БАҚ өкілдері қатысты.
3. «Сендегі мені өшірме» поэтикалық толғауының премьерасы өтті
Бұл қойылымда жастар арасында ажырасудың көбеюі мен қоғамдағы түрлі өзгерістердің әсері туралы ой қозғалады. Қойылымда қазіргі жас отбасылардың алдында тұрған қиындықтар мен күресі, махаббат пен сатқындық, сезім мен сенім поэзия мен музыка тілінде сөйлейді. Қойылымда Ханбибі Есенқарақызының шығармаларынан үзінділер оқылды. Көрермендер ақынның рухани әлемімен танысып, оның шығармашылығын тереңірек ұғынуға мүмкіндік алды.
4. Халықаралық ғылыми-практикалық конференция
Конференцияда Ханбибі Есенқарақызының әдеби мұрасы мен оның қазақ әдебиеті мен мәдениетіне қосқан үлесі талқыланды. Іс-шара аясында ақынның шығармашылығы туралы арнайы шығарылған «Көктеммен қоштаспаған жаз» атты кітаптың тұсауы кесері өтті. Шараға зиялы қауым өкілдері, Бақ өкілдері қатысты.
5. Ханбибі Есенқарақызының 75 жылдығына арналған «Хан қызындай Ханбибі» атты шығармашылық кеш өтті
Түркістан сарайының фойесінде ақынның шығармашылығына арналған кітап көрмесінің таныстырлымы өтіп, Қазақ ұлт аспаптар оркестрінің орындауында шығармалар орындалады. Шараға елімізге белгілі мемлекет және қоғам қайраткерлері, ақын-жазушылар мен зиялы қауым өкілдері қатысады. Әдеби кештің модераторы — ақын Бауыржан Жақып. Шарада Шымкент қаласының өнерпаздары мерей той иесінің сөзіне жазылған әндерді орындап, жырлар оқып, ақынның өмірі мен шығармашылығына арналған бейнеролик көрсетіледі.
