ЕСІМІ ҰЛЫҚТАЛҒАН ЕСІРКЕП БАТЫР

Шымкенттің жастары Есіркеп батырды еске алды. Жасөспірімдер арасындағы Республикалық  турнирге  200ге жуық спортшы қатысып, бақтарын сынады. Сайыс спорт және денешынықтыру комитеті және қазақ күресіне 2020 жылы бекіткен қазақ күресінің ережесіне сайкес өтті. Дәстүрге айналған Есіркеп Байжігітұлына арналған турнир 24 жылдан бері өтіп келеді. Төрешілер төрелігін жасап, әділ шешімдерін шығаратын жарыстың , жүлде қоры 3 млн теңге.

 17 -18 ғасырда қазақ тарихында елеулі оқиғалар  орын алған шақта елін қорғап, жерін жаудан азат еткен батырды елі ұмытпаған. Жаугершілік заманда опат болған Есіркеп батырдың денесі Абылай ханның үкімімен  Қожа Ахмет Ясауи кесенесінің кіші сарайына жерленген екен.

Жыл сайын өтетін турнирде 2007- 2008 жылғы жастар бақтарын сынады. Төрешілер спортшылардың шеберліктерін шаршы алаңда көріп, ең мықтыны анықтады.  Турнирге 12 облыстан спортышлар қатысты. Шымкент қаласы дене шынықтыру басқармасының ұйымдастыруымен өткен шараға спортшылар бар күш жігерін салып, жеңіс тұғырынан көрінуге тырысты. Осындай аламан бәйгеде  ұлттық спорт жарысының қорытындысы бойынша жеңімпаздарға ақшалай сыйлықтар табысталып  , бас жүлдені алған спортшыға  тұлпар мінгізді.