Миллионмен декретке… Қазір желіні ашып қалсаң не көп, декретке миллионмен шығаратын коучтар көп. Оларға аз-маз теңгесін ұстатсаң болды, нәрестеңді қолыңа ала сала ақшаның астына қаласың. Олар заңды айналып өтіп миллионмен декретке шығудың түрлі бағытын үйретуде. Бірақ мемлекет те ақымақ емес. МӘС қорының мәліметінше, Ақтөбе облысында 48 жеке кәсіпкерлікте жұмыс істейтінін көрсеткен әйел 100 мил төлем алған. Мұндай жағдайлар енді ӘС қорын алаңдата бастады.Сол себепті құжат қабылдауда талаптарды күшейтуге мықтап кіріскен. Гүлназ
Ксм:Иә, көзіңді аша сала шотыңдағы қомақты ақшаны көру кім-кімді болмасын қуантады. Желіні ашып қалсаң «миллионмен декретке» деген жазбадан көз сүрінеді. Бәрінің үйретері бір. Осы күнге дейін декретке шығатын келіншектер төлем мен жөргекпұлды көбірек алу үшін міндетті зейнетақы жарнасын төмен, ал әлеуметтік аударымды жоғары аударып келген. Былтырдан бастап бұл үрдіс өзгертілді, зейнетақы жарнасын да, әлеуметтік аударымды да бірдей төлеу міндеттелді. Алайда амалын тапқандар табысын аз қылып көрсетіп қағаз жүзінде 20-30 кәсіпкерлік нысандарға тіркеліп алған.
Миллионға әркімнің-ақ бар таласы. Бұл — «қолдан келсе қонышыңнан бастың» кейпі секілді. Бір сөзбен айтқанда бұл — заңды белшеден басу. Өйткені күнде декретке шығаратын коучтардың кемінде бір контенті алдыңыздан шығады. Астына жазылған пікірлердің санында шек жоқ. Бәрі бірден миллионер болуды армандайды. Армандап қана қоймай, қол жеткізгендері де бар.
Елімізде тіркелген жеке кәсіпкерлік саны бір жылда 8,5%-ға өскен. Былтыр да аз болған жоқ. Бұл өткен жылдармен салыстырғанда әлдеқайда көп. Биыл шағын кәсіпкерлерді тексеруге жарияланған мораторий күшін жойды. Бұған қоса, жалпыға бірдей декларация бар. Демек, өтірік ақша алу үшін “бизнесмен” атанғандардың әрекеті әшкере болуы мүмкін.
