Шаһарда «Мерген — 2024» пневматикалық мылтықтан нысана көздеу бойынша қалалық турнир өтті. Жарысқа 15 мектеп қатысып, оқушылар өз шеберліктерін көрсетті. Жас ұрпақты патриотизм рухында тәрбиелеуге арналған шараны Мұрагер Республикалық қоғамдық бірлестігі ұйымдастырды. Қалада Мергендер сайысы 2 жылдан бері өтуде. Жастарды отан сүйгіштікке, патриоттық сезімді қалыптастыру мақсатында өткен жиынға 70 ке жуық оқушы қатысып, бақтарын сынады. Әр мектептен 2 ұл 2 қыз қатысты.
Сайыс ережесіне сай жас өрендер жеңіске жетуге тырысты. Сайыс түрінде алғашында шынтақпен тіреуге сүйеніп атса, ал екінші түрі нысананы көздеп ату. Әр қатысушыға 13 оқ беріледі. Оның 3 оғы дайындық оғы болса , 10 оқ есепке алынады. Әр қатысушының жалпы 20 оғы есепке алынады. 10 метр қашықтықтан нысананы ашық көздеуіш пневматикалық мылтықтан атып ең көп ұпай жинаған оқушы жеңімпаз атанып, мықтылар топ жарды. Құралайды көзге атқан мерген оқушылар дипломдармен марапатталып онымен қоса оларға кубок табысталды. Спорттық дода Ясауи жалпы білім беру мектебінде өтті.
