Ағымдағы жылдың қаңтар айында Қазақстан мұсылмандары діни басқармасының төрағасы дін қызметкерлеріне Бағдарлық баяндамасын жолдап, 2024 жылды «Ислам және дәстүр құндылығы» жылы деп жариялаған еді. Осы орайда үшінші мегаполисте «Ulttyq sport fest» дін мен дәстүр ұлттық ойындарына арналған спартакиада өтті. Іс-шараның мақсаты салауатты өмір салтын насихаттап, жастарды спортпен шұғылдануға шақыру.
Ағымдағы жылдың қаңтар айында Дін қызметкерлері арасында өткен жиында Бас мүфти Наурызбай қажы Тағанұлы Бағдарлық баяндамасын жасап, осы жылды «Ислам және дәстүр құндылығы» жылы деп жариялаған болатын. «Халқымыздың дүниетанымына сай дәстүрлі Исламды дәріптеу, оның ғылыми-теориялық негізін дамыту мәселесі мемлекеттік деңгейде көтеріліп келе жатқанын жақсы білесіздер. Осындай мәселелер мен бастамаларды ескере келе, діни қызмет аясында 2024 жылды «Ислам және дәстүр құндылығы» жылы деп жариялау туралы шешім қабылдадым. Бұл бастама дәстүрлі дінімізді, ата-бабамыз сан ғасырдан бері ұстанып келген діни жолымызды, төл мәзһабымызды, ұлттық құндылықтарымыз бен қазақы болмысымызды дәріптеуге серпін береді деп сенемін» деді ҚМДБ Төрағасы.
Осы орайда Шаһарымызда дін қызметкерлерінің арасында спорттық сайыстардан қалалық cпартакиада өтті. Іс-шараның мақсаты — қоғамды зиянды әдеттерден қорғап, келешек ұрпақты имандылыққа баулу. Салауатты өмір салтын насихаттап, жастарды спортпен шұғылдануға шақыру. Жарысқа қаланың әр ауданының мешіттеріндегі қызметкерлерден құралған бес команда қатысты. Олар арқан тарту, қол күрестіру, садақ ату сынды спорттың бірнеше түрінен өзара мықтыларды анықтады.
Жеңімпаздар бағалы сыйлықтармен марапатталды. Мәселен бірінші орынды иеленген командаға 500 000 теңге, екінші орынға 300 000 теңге, үшінші орынға 150 000 теңге сыйақы табысталады. Қалған екі команданы да сый-сыяпатсыз қалдырмаймыз деді сайысты ұйымдастырушылар. Болашақта спарткиадаларды республиканың барлық аймағында өткізіп, белгілі бір жүйеге келтіріп, жыл сайын дәстүрлі түрде ұйымдастыру көзделіп отыр.
