Қолөнер — халқымыздың ерте заманнан келе жатқан төл өнері. Шаһар тұрғындарына осы өнерді таныстыру мақсатында “Халық мұрасы — халық қазынасы” атты көрме-жәрмеңке өтті. Шараға мегаполис шеберлерінен өзге түрлі аудандардан қолөнер шеберлері жиналып, қонақтарға ұлттық нақыштағы бұйымдарын ұсынды. Жыл сайын өтетін аталмыш іс-шара арқылы халқымыздың салт-дәстүрі дәріптеледі. Жиынның мақсаты — Іскер жандардың қолдан жасаған бұйымдарын халыққа көрсету. Өңірімізде осы салада еңбек етіп жүрген шеберлер қол өнер бұйымдарының арқасында бүгінде өз кәсіптерін дөңгелетіп отыр. Сондай- ақ жиында тоқыма шеберлеріде өз қолымен жасаған туындыларын таныстырды. Ал дәстүрге айналған бұл қолөнер көрмесі жылдан жылға маңыздылығы артып, көпшіліктің сұранысына ие болып келеді.
Көрмені тамашалаушы тұрғындарға шеберлер қолдарынан шыққан туындыларын көрсетті. Теріден, ағаштан, қыштан, темірден, киізден, зергерлік бұйымдардың, ұлттық нақыштағы киімнен бастап, барлық үй жабдығының кең ассортименті ұсынылды. “Өнерімізді жоғалтпай, әрі қарай дамыту, жас ұрпаққа дәріптеу сіз бен біздің ортақ міндетіміз” дейді көрме-жәрмеңкеге қатысқан Жамал Күдерова.
Қолөнер – бұл ғасырлық тағылым, тектілік, қас шеберлік, аса талғампаздық, төзімділік және салт-дәстүріміздің қолданбалы өнерін бойына сіңірген сырлы өнер. Әрбір қолөнер туындысы өз заманының материалдық мәдениетінің үлгісі және халық талғамының, әлеуметтік қоғамдық жағдайының, діни сенімі мен салт-дәстүрінің көрінісі. Көрме орталығының мамандары бұндай ұлттық іс шара жиы ұйымдастырылатын айтады. Алдағы уақытта ұлттық дезайнерлердің байқауы қараша айфнда өтеді деп жоспарлануда.
