Мегаполистегі оқушылардың Seitzhan School мектебінде оқу грантын жеңіп алуға мүмкіндігі бар. Ол үшін білім алушылар зияткерлік қабілеттерін арттыруға бағытталған пікірсайыс турнирінде озық шығуы керек. Республика күніне орай ұйымдастырылған «Әділетті Қазақстан — Адал азамат — Озық ойлы ұлт» тақырыбындағы турнирде жасөспірімдер өздерінің пікірін білдіріп, шешендік өнерлерін шыңдады.
Шымкекенттегі Seitzhan School мектеп базасында қалалық 9-10 сынып оқушылары командалық пікірсайыста шеберліктерін шыңдады. Турнирде Президент Қ.Ж.Тоқаевтың жолдауындағы мемлекеттің болашағына қауіп төндіріп тұрған негізгі 5 кесел мәселе қозғалды. Басты бәйгеге қала мектептері бойынша 40 фракция, яғни 80 оқушы үмітті. Қатысушылар өздеріне берілген тақырып бойынша өз ойларын ортаға салып, пікірталас жүргізді.
Пікірсайыс турнирі жастардың азаматтық жауапкершілігін арттыру, сыни ойлау және шешендік қабілеттерін дамыту, сондай-ақ, қоғамдық мәселелерге белсенді қатысуға ынталандыруды көздейді. Ойын (Американдық пікірсайыс және Линкольн Дуглас) форматында өтті.
Жарысқа қатысушы Тілеухан Есенбаев қалалық √68 жалпы орта мектебінің 10-шы сынып оқушысы. Ол мектепаралық және республикалық олимпиадаларға белсене қатысады. Бүгінгі бәсекеде «вандализм» тақырыбын тарқата айтуға тырысты.
Турнир қорытындысына сәйкес екі формат бойынша жеңімпаз деп танылған командалар Seitzhan School мектебінде 100% оқу грантын иеленсе, екінші орынға 75%, үшінші орынға 50% жеңілдік қарастырылған. Сондай-ақ, басқа да бағалы сыйлықтар бар.
