Жерлесіміз жеңіспен оралды. Тәжікстан астанасы Душанбеде өткен дзюдодан жастар арасындағы әлем чемпионаты аяқталды. Әлемнің 67 мемлекеті көз тіккен байрақты бәсекеге мегаполистен 3 спортшы аттанған еді. Оның ішінде 19 жастағы Талғат Орынбасар топ жарған болатын. Мегаполис әуежайында спортшыны салтанатты күтіп алу рәсімі өтті.
Жиынға спортшының ата анасы, туыстары, қала тұрғындары, спорт басқармасының басшысы қатысты. Жасөспірімдер арасындағы әлем чемпионатына 67 мемлекеттен 531 спортшы келген. 60 келіге дейінгі салмақта 19 жастағы отандық спортшы Талғат Орынбасар бақ сынаған болатын. Ол Сербия, Қырғызстан, Италия, Тәжікстан елінің дзюдосшыларын айқын басымдылықпен ұтып, турнирдің ширек финалына еш қиындықсыз жолдама алды. Дегенмен, жартылай финал үшін белдесуде Талғат тәжікстандық Лоика Кудбудиновпен белдесті. Қосымша уақытта отандық спортшының қарсыласы «иппон» әдісімен жеңіске жетіп, жартылай финалдың жолдамасын иеленді. Десе де қазақстандық спортшы жұбаныш айналымында италиядық Винченцо Манферлотиді, қола жүлдеге күресте әзірбайжандық Низами Имрановты қапы қалдырып, қанжығасына қола жүлдені байлады. Шымкент қаласы дене шынықтыру және спорт басқармасының басшысы Маратбек Мықтыбек отандық спортшының болашағы зор екендігін айтады.
— Шымкент қаласында мүмкіндігінше спортшыларға қолдау көрсетіліп келеді. Еркін күрестен, грек-рим күресінен Азия чемпиондары көптеп шығып келеді. Енді міне, өздеріңіз көріп, естіп отырғандай 19 жастағы Талғат Орынбасар үш дүркін Азия чемпионы болса, үш дүркін әлем чемпионатының жүлдегері атанып отыр. Болашағынан үміт күттіретін жас спортшы. Қазақ елінің мақтанышы Елдос Сметовтің ізбасары деп толық сеніммен айта аламын. Душанбеде өткен турнирде мақсатымыз алтын жүлде болған. Жергілікті палуаннан айламыз аспады. Алтын әле алда. Оғанда қол жеткіземіз. Дегенмен Талғат өте жақсы өнер көтсетті.
Ал, Талғаттың әкесі де спорттан алыс емес. Құралбай Орынбасар самбодан Азия және Еуропа чемпионы. Спортқа бейім ұлына жан-жақты қолдау көрсетіп, бар күш жігерін жұмсап жатқанын айтады.
— Бұл біздің қатысып жатқан екінші әлем чемпионаты. Өткен жылы Португалияда өткен әлем чемпионатында қатысқан болатынбыз. Ол кезде де үшінші орынды иелендік. Ағымдағы жылы жоғарғы жетістік көрсетеміз деген ойда болдық. Дегенмен, жергілікті палуанға есе жіберіп, жұманыш айналымында қалып қойдық. Бұйырғаны қола жүлде болды. Ол да төмен көрсеткіш емес. Бірақ, біздің мақсатымыз басқа. Ұлым әле 19 жаста. Болашағынан көп үміт күтемін. Сол үшін аянбай еңбек етудеміз. Бұл жетістік жалғыз менің еңбегім емес. Спорт саласында жүрген отандастарымыздың еңбегі зор. Енді ұлымды ересектер арасында бағын сынап көру ниеттеміз. Қараша айында Ақтөбе облысында өтетін Қазақстан чемпионатына қатысады. Ат салысқан, жанкүйер болған бардық қазақстандықтарға алғыс білдіреміз.
Талғат Орынбасар Азия чемпионаттарының 3 дүркін жеңімпазы, әлем чемпионатының 3 дүркін жүлдегері. Душанбеде өткен байрақты бәсекедегі 5 кездесудің 4-ін өз еншісіне жазды. Сербия, Қырғызстан, Италия, Тәжікстан елінің дзюдосшыларын айқын басымдылықпен ұтып, жүлделі 3 ші орынды иеленді.
-Жарыс өте жоғарғы деңгейде өтті. Жергілікті спортшылардың дайындығы жоғары. Мен үшін қиын болды. 5 кездесудің 4-еуінде жеңіске жеттім. Өкінішке орай жергілікті спортшыдан жеңіліске ұшырап, жұбаныш айналымында қалып қойдым. Мен үшін осы кездесу өте ауыр болды. Қалған екі кездесуде жеңіске жетіп, қола жүлдені иелендім. Қазақстандық барлық жанкүйерлерге, ата анама алғысымды білдіремін. Алла қаласа алдағы уақытта аянбай еңбек етіп, көк туымызды көкте желбіретуге уәде беремін.
Айта кетейік, Талғат енді ересектер арасында бақ сынауға ниетті. Қараша айында Ақтөбе облысында өтетін ересектер арасындағы Қазақстан чемпионатында қатысады.
