РЕФЕРЕНДУМ ҚАЛАЙ ӨТТІ?

Елімізде АЭС салу бойынша жүргізілген референдум аяқталды. Қала тұрғындары бюллетендегі «Сіз Қазақстанда атом электр стансасының салынуымен келісесізбе?» деген сұраққа өз пікірлерін қалдырды. Онда Шымкент қаласының тұрғындары белсенділік танытты. Статистикалық мәліметке сүйенетін болсақ мегаполисте референдум өткізу үшін барлығы 344 учаске жұмыс істеді. Оның 23-і жабық. Бұл ерекше санаттағы азаматтардың дауыс беру мүмкіндігін қамтамасыз етті. Шымкентте жасы 18 ден асқан, дауыс беруге құқылы 660 563 тұрғынның 70,57% өз таңдауын жасаған.

6 қазан күні еліміздегі барлық сайлау учаскелерінде республикалық референдум таңғы сағат 7:00-де әнұранмен ашылды. Бюллетендегі сауалнамаға қатысты «Иә, келісемін» және «жоқ, келіспеймін» жауап нұсқалары көрсетілген. Жалпы, мегаполис бойынша 344 референдум учаскесі жұмыс істеді. Солардың біріне тоқталсақ. Ахмет Байтұрсынұлы атындағы √50 мектепте 10 шы референдум учаскесі. Оған мектеп айналасындағы көшелерден 2000-нан астам тұрғын тіркелген. Таңмен таласа оянған тұрғындар таңдау жасауға асығып, белсенділік танытты.

Түркістан сарайындағы №211 сайлау учаскесінде мегаполис мэрі өз таңдауын жасады. Сондай-ақ, референдум учаскесінде Шымкент қаласы мәслихатының төрағасы да төбе көрсетті. Бахадыр Нарымбетов тұрғындарды белсенділік танытып, өз сөзінде халық шешімінің маңыздылығына тоқталды.

Сонымен қатар, аталмыш учаскеге қаламыздағы өнер ұжымы мен Шәмші Қалдаяқов атындағы облыстық филармония ұжымы, «Алаш» вокалды аспапты ансамбльінің көркемдік жетекшісі келіп, өз таңдауларын жасады. Түркістан сарайында орналасқан №231 сайлау учаскесіне шамамен 2000-ға жуық адам тіркелген.

Еліміз үшін маңызды күні Қазақстанда тұратын өзге ұлт өкілдері де белсенділік танытты. Қалалық Қазақстан Халқы Ассамблеясында орналасқан №4 сайлау учаскесінде дауыс беруге келушілердің көңіл-күйін көтеру мақсатында концерттік бағдарлама ұйымдастырылып, сый-сыяпат табысталды.

Жалпы, мегаполисте референдум ешқандай заңбұзушылықсыз өтті. Бұл сөзімізді №4 учаскенің бақылаушысы Бақдәулет Кәденов де қостап отыр. Оның айтуынша, бе­­кітілген учаскеде ешбір тәр­тіп бұзушылық орын алмаған. Учас­­кеде тіркелген мүмкіндігі шек­­теулі бірнеше азаматқа дауыс бер­­гізу үшін референдум ұйым­дас­тырушылары үйіне барған.

Сонымен, АЭС салу бойынша Республикалық референдумда дауыс беру 20:00 де аяқталды. Жалпы еліміз бойынша дауыс беруге құқылы 12 млннан астам халықтың 7 млн 820 мыңнан астамы өз таңдауын жасады. Exit poll нәтижесі бойынша қазақстандықтардың 30,2 % қарсылық танытса, 69,8% қолдаймын деп дауыс берді.