ОҢТҮСТІК ҚАҚПАҒА ЕҢСЕЛІ ЕСКЕРТКІШ ҚОЙЫЛАДЫ

«Ескерткіштің бұрынғы атқораның қасында тұрғаны бізге үлкен сын»-, деген Бахадыр Нарымбетов Алпамыс батырға арналған белгінің орналасқан жерін өзгертуді ұсынды. Бұл туралы қала әкімінің қатысуымен сегізінші шақырылымдағы Шымкент қаласы мәслихатының кезекті 21 сессиясында талқыланды. Ғабит Сыздықбековтың қатысумен өткен Шымкент қаласы мәслихатының кезекті 21 сессиясында 8 мәселе қаралды. Атап айтатын болсақ, қала бюджеті, басқару схемасы, жаңа басқарма құру, қоғамдық көліктер және Шымкент қаласы мәслихатының 2024 жылғы жоспары талқыланды. Жиынға 25 депутат қатысты. Сондай-ақ, сессияда Шымкент қаласының сәулет, қала құрылысы және жер қатынастары басқармасы екіге бөлініп қайта құрылатыны айтылды. Айта кетейік, жиында Бахадыр Нарымбетов Алпамыс батыр ескерткішінің жолдың бойында орналасқаны бізге сын дей келе, батырға қойған белгінің оңтүстік қақпаға қойылуын ұсынды. Жиында Талғат Балтабаев Су ресурстары маркетингінің жекеменшік иелікке өткеніне қатысты мәселе қозғады. Депутаттың айтуына сүйенсек елдің қамы үшін бұл мекеме мемлекет меншігіне өтуі керек дейді. Айта кетейік, бұл пікірге өзге де қалалық мәслихат депутаттары қолдау білдірді. Сессия соңында қала басшысы қаралған мәселелерге қолдау білдіріп, халық үшін қолайлы жағдай жасалуы керек екенін атап өтті.