ДҮНИЕЖҮЗІЛІК ТАЗАЛЫҚ КҮНІ ӨТТІ

Қыркүйек айы Дүниежүзілік тазалық күні ретінде белгілі. Жапырақтар үзіліп, жер сары түске боялғанда әлем жұртшылығы қоршаған ортаның ластануы мен табиғаттың тазалығы үшін жаһандық шараға белсене ат салысады. Дей тұрғанмен, бұл жұмыстар мегаполисте Мемлекет басшысының тапсырмасына сәйкес көктемнен бері әр апта сайын үздіксіз жалғасып келеді. Бүгін шаһардағы барлық аудандарда сенбілік шарасы ұйымдастырылды.

Тазалық шарасы Әл-Фараби ауданына қарасты Қошқар ата өзенінің бойынан бастау алды. Жангелдин көшесінен басталып, Республикаға дейін жалғасып жатқан серуен аймағындағы қураған ағаштар кесіліп, өзен арнасы қоқыстан тазартылды. Оған, Әл-Фараби ауданы КММ-нен, аудан тұрғындарынан, аудан әкімдігінен жалпы 180-ге жуық адам, 10-нан астам техника жұмылдырылды.

Сенбілік шара сонымен қатар, Тұран ауданына қарасты Құрсай шағын ауданында адамдар көптеп баратын мал базарлар мен мазараттар аумағында жүргізілді. Оған Шымкент қаласы бойынша экология департаментінен 20-ға жуық қызметкер ат салысты.

Сондай-ақ, экологиялық іс-шараға Тұран аудандық ардагерлер кеңесінің мүшелері, «ШымкентСпецКомплекс», Тұран коммуналдық мекемесі және белсенді жастардан жалпы 200-ге жуық адам, 10-ға жуық техника жұмылдырылды.

Ксм: Айта кетейік, «Таза Қазақстан» экологиялық акциясы бір реттік емес жүйелі түрде жүргізілу жоспарланған. Алдағы уақытта қала, аудан, ауыл аумақтарын көркету жұмыстары жалғасын табады.