ШЕКСІЗ ӘЛЕМ

«Amanat» партиясы Шымкент қалалық филиалының бастамасымен «Кедергісіз келешек» жобасы аясында «Тең мүмкіндіктер» әлемі атты инклюзиялық спорт фестивалі өтті. Шараның мақсаты қоғамдағы жас буын өкілдерінің тең құқықты екенін көрсете отырып, ерекше балаларға қолдау көрсету.
Әр бала өмірде өз орнын қалыптастырумен қатар, айналадағы қатарластарымен тең мүмкіндікте болуы қажет. Дегенмен, қоғамда барлық жасқа бірдей қол жетімсіз жағдайларда жетерлік. Осы мақсатты алға қоя отырып «Аmanat» партиясының бастамасымен ерекше балаларға арналған қалалық спорт фестивалі өтті. Жиынға 6 мектептен 172 бала қатысты. Шараға «Amanat» партиясы Шымкент қалалық филиалының атқарушы хатшысының орынбасары қатысып құттықтау сөз сөйлеп, қатысушыларға сәттілік тіледі.
Үш спорт түрінен өткен сайыста топ жарып жүлдегер атанғандар республикалық кезеңге жолдама алады. «Әр баланың өзіндік құқығы бар, ерекше болдым деп өз достарының соңында қалмай, барлық мүмкіндіктері бар екенін білдіру үшін осындай спорттық ойынды ұйымдастырдық»,- деген Жанна Бейсенқызы барлық бала бірдей белеске жету қажет дейді.