Шымкентте заманауи үлгідегі жатқана ашылды. Нысан 500 студентке арналған. Студенттер үйі Президентіміз Қ.Тоқаевтың жолдауында айтылған міндеттерге сай мемлекеттік жекеменшік әріптестік аясында салынды. Студенттер, магистранттар және докторанттарға арналған жаңа жатақхана қонақ үй үлгісінде салынған. Әр бөлмедк тұрмыстық техникалар,жиһаздармен жабдықталып, жуынатын бөлме,әжетхана қарастырылған.
500 орындық жатақхана іші толығымен жиһаздалған, медициналық кабинет, кезекші оқытушылар мен күзетшілер бөлмесі бар. Кір жуатын және кептіретін машиналар қойылып, киім үтіктейтін орын да қарастырылған. Сондай-ақ, демалыс бөлмесі, ас үй, спорт зал, жуынатын бөлмелері бар. Жатақханада интернет және бейнебақылау жүйесі орнатылған.
Айта кетейік, жатақханаға орналасу мемлекеттік қызмет алу тәртібі бойынша жүргізіледі. Әр оқу орнының өзінде кезекте тұру тәртібі бар. Жатақханада тұру әр студент үшін айына 23 мың теңге болады. Аталған оқу ордасының 1-курс студенті студенттер атынан алғыс білдіріп, жатақханаға қалай орналасқаны туралы айтып берді.
Студент үшін ең ыңғайлысы — жатақхананың оқу корпусының жанында орналасуы. Жатақхананың оң жақ корпусында қыздар, сол жақ корпусында ұлдар орналасатын болады. Жаңа студенттер үйінде медициналық пункт те қарастырылған екен.
