Мәжіліс депутаттарының еліміздің маңызды аймақтарын аралап, халықпен кездесуі жалғасуда. Осы тұста “Ақ жол” демократиялық париясының төрағасы Азат Перуашев жұмыс сапарымен Шымкент қаласына келді. Ондағы тұрғындармен жүздесіп, мұң мұқтажын тыңдап қайтты. Партия төрағасы “Жайлы мектеп” жобасы аясында салынып жатқан білім ғимараттарының құрылысымен және “Бизнеске арналған үкімет — Shymkent Invest” кеңсесінінің жұмыстарымен де танысты.
Шымкент қаласында №35748 әскери бөлімінің бірнеше сарбаздары мараптталды.
«Ақ жол» Қазақстанның демократиялық партиясының төрағасы, Қазақстан Республикасы Парламенті Мәжілісінің депутаты Азат Перуашев №35748 әскери бөлімінің бірнеше сарбаздарын «Апатпен күрескені үшін» медальімен марапаттады.
Одан соң, осы іс-шараға арнайы келген Атырау облыстық мәслихатының депутаттары Атырау облысының елді мекендері көктемгі су тасқыны кезінде аянбай, жанқиярлық ерлік көрсете отырып еңбек еткен №35748 әскери бөлімінің сарбаздарына Атырау облысы тұрғындар атынан үлкен алғыстарын жеткізді.
Ары қарай Азат Перуашев «Жайлы мектеп» жобасы аясында салынып жатқан білім ғимараттарының құрылыс жұмыстарымен танысты.
Партия төрағасы жауаптыларға ұлттық жоба аясында салынатын мектептердің, ең алдымен, оқушылар қауіпсіздігін қамтып, өскелең ұрпақтың жайлы жағдайда білім алуына қажетті шараның барлығын ескеру бойынша бірқатар тапсырма жүктеді.
Сонымен қатар, «Жайлы мектеп» пилоттық ұлттық жобасы аясында қалада 2025 жылға дейін 28 000 орындық 18 мектеп салу жоспарлануда.
Жобаға сәйкес жыл соңына дейін 17 300 орындық 12 мектептің құрылысы бекітілген.
Келесі жылы 10 700 орындық 6 мектеп салу жоспарланып отыр.
Партия төрағасы Бизнеске арналған Үкімет — Shymkent INVEST» кеңсесінің жұмысымен де танысты. Бұл әкімдік пен Кәсіпкерлер палатасының бірлескен жобасы. Оның мақсаты - кәсіпкерлер мен қала инвесторларына мемлекеттік қолдау және мемлекеттік қызмет көрсету шараларын «бір терезе» қағидаты бойынша орталықтандыру. «Бизнеске арналған үкіметте» әрбір кәсіпкер өз бизнесін дамыту, құзыреттер мен қаржыландыруды арттыру мәселелері бойынша ауқымды қызметтер мен кеңестер ала алады.
